هــــه‌واڵ كــوردى
حزبيگ كوردى باس "كوده‌تا" له‌ راپرسى توركيا كرد

حزبيگ كوردى باس "كوده‌تا" له‌ راپرسى توركيا كرد


شه‌فه‌ق نيوز/ حزب ملله‌ته‌يل ديموكرات كورد ئۆپۆزسيۆن له‌ توركيا باس له‌وه‌ كرد ك شماره‌يگ له‌ زه‌رفه‌يل وه‌ره‌قه‌ى ده‌نگداين نامووركراێ ك جوور زه‌رف ساق له‌ راپرسى هساو كرياگه‌ به‌سه‌ ئه‌را ئاڵشتكردن ئاكام راپرسى و جوور كوده‌تايگ له‌ ده‌سڵاته‌يل هه‌ڵوژاردن تارفى كرد.

 

له‌ى باوه‌ته‌و، عوسمان بايديمير قسه‌كه‌ر وه‌ناو حزبه‌گه‌ وت: بڕيار ليژنه‌ى باڵاى هه‌وڵوژاردنه‌يل له‌ دويا وه‌خته‌يل كاريگه‌ر بويه‌ له‌بان سێ مليۆن ده‌نگده‌ر له‌ قه‌بولكردن زه‌رفه‌يل نامووركرياێ ك وه‌ زه‌رفه‌يليگ ساق و بى گرفت تاريفيان كرياگه‌ له‌لايه‌ن ليژنه‌گه‌.

 

جى باسه‌، بايديمير هه‌ميش وت: جياوازييگ هه‌س له‌ناونى ئه‌و به‌يانه‌يله‌ ك ليژنه‌ى باڵاو شماره‌يل پيشكه‌شى كردنه‌ له‌باره‌ى جياكردنه‌وه‌ى ده‌نگه‌يل له‌ سه‌دان سه‌ندووق ده‌نگداين، وه‌لێ ليژنه‌ى باڵاى هه‌ڵوژاردنه‌يل جه‌خت له‌ سه‌ڵامه‌تى ئه‌و ده‌نگداين كرد له‌ راپرسى له‌بان راسه‌وكردن ده‌ستوور ك ده‌سڵات فراوانيگ ئه‌ياده‌ ره‌جه‌ب ته‌يب ئه‌ردوغان سه‌رۆك توركى.