هــــه‌واڵ عــیراق
شماره‌ى كووچبه‌ره‌يل راس موسڵ ره‌سيه‌ نزيكه‌ى 100 هه‌زار كه‌س

شماره‌ى كووچبه‌ره‌يل راس موسڵ ره‌سيه‌ نزيكه‌ى 100 هه‌زار كه‌س


شه‌فه‌ق نيوز/ وزاره‌ت كووچ و كووچبه‌ره‌يل ئاشكراى ئه‌وه‌ كرد شماره‌ى كووچبه‌ره‌يل له‌ ناوچه‌يل سه‌ر وه‌ ديم راس موسڵه‌و ره‌سيه‌سه‌ نزيكه‌ى 100 هه‌زار كووچبه‌ر له‌ سه‌ره‌تاى ده‌سوه‌پيكردن په‌لاماره‌يل ئازادكردنى له‌ 19ى مانگ گوزه‌يشت تائيسه‌.

 

جاسم محه‌مه‌د جاف وه‌زير كووچ عراقى له‌ لێدوانيگ ئه‌را(شه‌فه‌ق نيوز)وت: ئمڕوو تيمه‌يل وزاره‌ته‌گه‌ پيشوازى له‌(10،607)هه‌زار كووچبه‌ر كردنه‌ له‌ ناوچه‌يل ديم راس شار موسڵه‌و له‌ پاريزگاى نه‌ينه‌واو له‌ كه‌مپه‌يل وزاره‌ته‌گه‌ له‌ باشوور موسڵ و باكوور تكريت و پاريزگايه‌يل هه‌رێم دامه‌زريانه‌.

 

جى باسه‌، جاف هه‌ميش وت: شماره‌ى كووچبه‌ره‌يل ره‌سيه‌سه‌(99،852)كووچبه‌ر و تيمه‌يل مه‌يدانى وزاره‌ته‌گه‌يش وه‌رده‌وامن له‌ كاره‌يليان ئه‌را پيشوازى له‌ خيزانه‌يل كووچبه‌ر و ئاماده‌كرن شوون گونجياگ ئه‌رايان.