هــــه‌واڵ عــیراق
عه‌بدولمهدى باس مه‌سه‌له‌يگ كرد عراق له‌لى بيبه‌ش بويه‌ ئه‌را وه‌خته‌يل فريه‌يگ

عه‌بدولمهدى باس مه‌سه‌له‌يگ كرد عراق له‌لى بيبه‌ش بويه‌ ئه‌را وه‌خته‌يل فريه‌يگ


شه‌فه‌ق نيوز/ عادل عه‌بدولمهدى سه‌رۆك ئه‌نجومه‌ن وه‌زيره‌يل، چه‌وێ كه‌فته‌ ئه‌ليزابيتا ترينتا وه‌زير وه‌رگرى ئيتاڵى و شانده‌ ياوه‌ره‌گه‌ى.

 

ترينتا جه‌خت له‌ وسيان ئيتاڵيا كرد شان وه‌شان حكومه‌ت عراقى له‌ روێ وه‌ڕوێ بونه‌وه‌ى سه‌ختيه‌يل و وه‌رپرسيارێتيه‌يل گه‌ورايگ و ئاماژه‌يش وه‌ گرنگى وڵاته‌گه‌ى كرد له‌ جه‌نگ دژ داعش و له‌هه‌مان وه‌خت نگه‌رانى وڵاته‌گه‌يشى ده‌رخست له‌ وه‌رده‌ه‌وامبوين تووڕه‌يل ته‌مويلكردن تيرۆر و تونڕه‌وێ.

 

لاى خوه‌ييشه‌و، عه‌بدولمهدى ئاماژه‌ وه‌ ئه‌وه‌ كرد ديموكراسى له‌ عراق خه‌ريكه‌ په‌ره‌ سينێد و به‌ره‌گه‌ى ده‌ركه‌فێد وه‌ ده‌سوه‌ده‌سكردن ئاشتيانه‌ى ده‌سڵات ك وڵاته‌گه‌ ئه‌را ماوه‌ى ده‌يان ساڵ له‌لى بيبه‌ش بوێ و باس له‌وه‌يش كرد ك وڵاته‌گه‌ سه‌ركه‌فتنه‌يل گه‌ورايگ وه‌ده‌سهاورد له‌ جه‌نگى دژ قاعيده‌و داعش، وه‌لێ هيمان جه‌نگ ئه‌كا وه‌ل پاشمه‌نده‌ى تيرۆر و داوايش له‌ وڵاته‌يل دووس كرد ده‌سميه‌ت عراق بيه‌ن له‌ جه‌نگى دژ تيرۆر.

 

جى باسه‌، عه‌بدولمهدى يباس له‌و‌ رۆڵ مێژوويى كرد ك فه‌تواى مه‌رجه‌عيه‌ داشته‌ى له‌ گورجه‌وكردن ملله‌ت ئه‌را پشتگيريكردن هيزه‌يل چه‌كدار و وت: ئه‌و پشتگيريه‌ ك هيزه‌يل چه‌كدار له‌ حه‌شد شه‌عبى و پێشمه‌رگه‌و هيزه‌يل تر مه‌ردمى وه‌ريگرت بويه‌ هووكار ئه‌وه‌گ هيزه‌يل چه‌كدارمان ده‌رفه‌ت وه‌ده‌س بارێد ئه‌را دوباره‌ بنياتنانه‌وه‌و هه‌ڵسيانه‌وه‌ له‌ جه‌نگ دژ داعش ك گشت هيزه‌يل عراقى له‌ژير فه‌رمان سه‌ركردايه‌تى گشتى هيزه‌يل چه‌كدار بوينه‌.