هــــه‌واڵ جیــهانى
ترامپ ريز له‌ هاوكارى چين و روسيا نه‌ێد له‌باره‌ێ كۆرياێ باكوور

ترامپ ريز له‌ هاوكارى چين و روسيا نه‌ێد له‌باره‌ێ كۆرياێ باكوور


شه‌فه‌ق نيوز/ دوناڵد ترامپ سه‌رۆك ئه‌مريكى ريز و حورمه‌ت له‌ هه‌ر يه‌ك له‌ روسيا و چين نا دوياێ پشتگيرييان له‌ سزايه‌يل ناوده‌وڵه‌تى له‌بان كۆرياێ باكوور وه‌ بوونه‌ێ به‌رنامه‌يل ئه‌تومێ و باليستيه‌گه‌ێ.

 

له‌ى باوه‌ته‌و، ماڵ چه‌رمگ له‌ به‌ياننامه‌يگ وت: ترامپ قه‌در ئه‌را چين و روسيا دانه‌ێد له‌وه‌ر هاوكاريكردنيان ئه‌را زه‌مانته‌ت جيوه‌جيكردن بڕيار چه‌سپانن سزا له‌بان كۆرياێ باكوور و وتيش: وه‌رده‌وامى ئه‌يه‌يمنه‌ هاوكاريمان وه‌ل هاوپه‌يمان و شه‌ريكه‌يلمان ئه‌را بته‌وكردن فشار دبلۆماسى و ئابوورى له‌بان كۆرياێ باكوور وه‌خاتر وازهاوردن له‌و ره‌فتاره‌يليه‌ ك هه‌ڕه‌شه‌ن له‌بان سه‌قامگيرى.

 

جى باسه‌، دويه‌كه‌ شه‌ممه‌ ئه‌نجومه‌ن ئاسايش وه‌ جه‌م هه‌ر 15 ئه‌ندامه‌يلى بڕياريگ ده‌ركرد ك له‌تى سزايه‌يل تونيگ له‌بان كۆرياێ باكوور چه‌سپان ك بيبه‌ش ئه‌كريه‌يد له‌ داهات ساڵانه‌ێ ك مه‌زه‌نه‌ ئه‌كريه‌ێد وه‌ ملياريگ دۆلار.