هــــه‌واڵ عــیراق
ده‌نگدوو جياجيايگ له‌باره‌ێ هاوپه‌يمانى ناونى مالكى و عبادى هه‌س

ده‌نگدوو جياجيايگ له‌باره‌ێ هاوپه‌يمانى ناونى مالكى و عبادى هه‌س


شه‌فه‌ق نيوز/ ده‌نگدوو پيچه‌وانه‌يگ هه‌س له‌باره‌ى هاوپه‌يمانى ناونى نورى مالكى سه‌رۆك ئئتلاف ده‌وڵه‌ت ياساو جيگر سه‌رۆك كۆمار و حه‌يده‌ر عبادى سه‌رۆك ئه‌نجومه‌ن وه‌زيره‌يل ئه‌را چگن وه‌ناو هه‌ڵوژاردنه‌يل ك بڕياره‌ له‌ ئايار ئاينده‌ ئه‌نجام بگرێد.

 

له‌ى باوه‌ته‌و، ئه‌و زانياريه‌يله‌ وه‌ شيوه‌يگه‌ ك به‌شيگ له‌ سه‌رچه‌وه‌يل حزب ده‌عوه‌ له‌يوا بڵاوى كردنه‌سه‌و ك مالكى و عبادى ك هه‌ردوگيان هانه‌ ليست ده‌وڵه‌ت ياسا، وه‌لێ كيشه‌ له‌ناونيان وجوود ديرێد و بڕياريش دانه‌ وه‌ يك ليشت به‌شدارى هه‌ڵوژاردنه‌يل بكه‌ن.

 

له‌ هه‌مان وه‌خت به‌شيگ تر له‌ سه‌رچه‌وه‌يل وه‌تايبه‌ت په‌رله‌مانتاره‌يل نزيك له‌ عبادى ئه‌و ده‌نگدووه‌ ره‌ته‌و ئه‌كه‌ن و ئويشن مالكى و عبادى وه‌ يه‌ك ليست به‌شدارى هه‌ڵوژاردنه‌يل ناكه‌ن، يه‌يش له‌ وه‌ختيگه‌ ئمڕوو په‌نجشه‌ممه‌ دويا واده‌س ئه‌را لايه‌نه‌يل له‌وه‌ر ئه‌وه‌گ له‌ كۆمسيۆن باڵاى سه‌روه‌خوه‌ى هه‌ڵوژاردنه‌يل عراق ناو هاوپه‌يمانيه‌يل ئه‌را هه‌ڵوژاردنه‌يل ئاينده‌ دروس بكه‌ن.

 

جى باسه‌، سه‌رچه‌وه‌يل باسيش له‌وه‌ ئه‌كه‌ن ك عبادى نياز دروسكردنن هاوپه‌يمانييگ ديرێد وه‌ناو "ئه‌لنه‌سر" ك پيك ئه‌يه‌ن له‌ عه‌سايب ئه‌هلولهه‌ق و گرووپ به‌در و كه‌تيبه‌ى حزبوڵلا و كه‌تيبه‌ى شه‌ه‌يد ئه‌لشوهه‌دا و چه‌ن لايه‌نيگ تر.