هــــه‌واڵ عــیراق
ئه‌مريكا حكومه‌ت عه‌بدولمهدى وه‌ ئه‌زمووندار تاريف كرد

ئه‌مريكا حكومه‌ت عه‌بدولمهدى وه‌ ئه‌زمووندار تاريف كرد


شه‌فه‌ق نيوز/ جيمس جيفرى وه‌ر‌پرس تايبه‌ت وڵاته‌يل يه‌كگرتگ ئه‌را سوريا، عراق وه‌ ئه‌وه‌ تاريف كرد ك زياتر ئنفتاح ديرێد له‌بان جه‌هان له‌ناونى وڵاته‌يل عه‌ره‌بى و له‌ هه‌مان وه‌خت تاريف حكومه‌ت ناوه‌ندى له‌ به‌غداو عادل عه‌بدولمهدى سه‌رۆك حكومه‌ته‌گه‌يشى كرد.

 

له‌ جواو پرسيار رووژنامه‌نويسه‌يل له‌باره‌ى وه‌زع له‌ عراق له‌ساێ به‌شبه‌شايه‌تى و ناڕه‌زايه‌تيل ك هاته‌ تويش دامه‌زرانن حكومه‌ت تازه‌، ئه‌و وه‌رپرس ئه‌مريكيه‌ ك زويتر باليۆز وڵاته‌گه‌ى بويه‌ له‌ به‌غدا وت: ئى كار و سه‌ختيه‌يله‌ له‌گشت وڵاتيگ عه‌ره‌بى وجوود ديرێد.

 

جى باسه‌، جيفرى وه‌ شيوه‌يگ تايبه‌ت باس له‌ عادل عه‌بدولمهدى سه‌رۆك وه‌زيره‌يل كرد وه‌ ئه‌وه‌گ ئه‌زموون ديرێد له‌ كاره‌گه‌ێ ك له‌ساڵ 2004ه‌و كار وه‌ليا كردگه‌ جوور ئه‌وه‌گ خوه‌ێ باسى ئه‌كا.