هــــه‌واڵ عــیراق
ته‌شيك شماره‌ى سه‌ربازه‌يلى له‌ عراق زياتر ئه‌كا

ته‌شيك شماره‌ى سه‌ربازه‌يلى له‌ عراق زياتر ئه‌كا


شه‌فه‌ق نيوز/ مارتن ستروبنيتسكى وه‌زير وه‌رگرى ته‌شيكى ئاشكراى پلانيگ وزاره‌ته‌گه‌ كرد ئه‌را زيايكردن شماره‌ى سه‌ربازه‌يلى له‌ عراق تا بڕه‌سيده‌ 200 يا 300 سه‌رباز له‌ ساڵ 2018.

 

ستروبنيتسكى وت: كلكرياگ تازه‌ى سه‌ربازى ته‌شيكى له‌ عراق له‌ چواچيوه‌ى هيزه‌يل هاوپه‌يمان ناوده‌وڵه‌تى دژ ريكخرياگ داعش وه‌ سه‌رۆكايه‌تى وآته‌يل يه‌كگرتگ سه‌ر‌بازه‌يليگ فيشتر ئه‌گرێده‌ خوه‌ى له‌ تايبه‌تمه‌نديه‌يل جياجيايگ و له‌ليانيش سه‌ربازه‌يليگ له‌ بوار پزيشكى سه‌ربازى و تايبه‌تمه‌ند له‌ مقه‌يه‌تيكردن له‌ چه‌ك كومه‌ڵكوش.

 

جى باسه‌، حاڵ حازر پۆليس سه‌ربازى ته‌شيكى له‌ عراق خه‌ريك كاركردنن بيجگه‌ راوێژكاره‌يل ته‌ياره‌وانى ك ده‌سميه‌ت ته‌ياره‌وانه‌يل ناوچه‌يى ئه‌يه‌ن له‌ مه‌شق له‌بان ئداره‌و خاسسازيكردن زه‌مينه‌ى ته‌ياره‌يل جه‌نگى ئێل – 159 ك به‌غدا له‌ساڵ 2016 سه‌نده‌يان له‌ ته‌شيك.