هــــه‌واڵ جیــهانى
ترامپ له‌وه‌ر نزيكه‌وبوين گه‌رده‌لويل ئاشكراێ حاڵه‌ت ته‌وارێ كرد

ترامپ له‌وه‌ر نزيكه‌وبوين گه‌رده‌لويل ئاشكراێ حاڵه‌ت ته‌وارێ كرد


شه‌فه‌ق نيوز/ دوناڵد ترامپ سه‌رۆك ئه‌مريكى وه‌ل نزيكه‌وبوين گه‌رده‌لويل ئيرما له‌ خاكه‌يل سه‌ر وه‌ وڵاته‌يل يه‌كگرتگ له‌ ئوقيانوس ئارام ئاشكراێ حاڵه‌ت ته‌وارێ كرد له‌ فلۆريدا و بۆرتۆ و ريكۆ و جزر ئه‌لعه‌زراێ ئه‌مريكى.

 

له‌ى باوه‌ته‌و، ناوه‌ند گه‌رده‌لويل نيشتمانى ئه‌مريكى ئاشكراێ ئه‌وه‌ كرد و وت: ئيرما ك بويه‌ گه‌رده‌لويليگ پله‌ په‌نج، نزيكه‌و ئه‌دێ له‌ جزر كاريبى وه‌ سورعه‌تيگ 185 ميل(295كم له‌ سه‌عاتيگ)و پيشبينى ئه‌وه‌ ئه‌كريه‌ێد بيه‌ێد له‌ به‌شه‌يليگ باكوور وڵات وه‌رجه‌ ئه‌وه‌گ بڕه‌سێده‌ فلۆريدا.

 

جى باسه‌، ئه‌و حاڵه‌ت ته‌واريه‌ ك سه‌رۆك ئه‌مريكى ئاشكراێ كرد، ڕى وه‌ وزاره‌ت ئاسايش ناوخوه‌يى و ئاژانس ئداره‌ێ ته‌وارێ فيدراڵييش ئه‌ياد بكه‌فنه‌ جموجويل له‌و ناوچه‌يله‌ ك مه‌ترسى ها بانيان و هه‌وڵ ريگه‌چاره‌يگ بيه‌ن ئه‌رايان و هه‌ر وه‌و خاتريشه‌ حاكم ولايه‌ت بۆرتۆ وشدارێ دا له‌ كاريگه‌رێ ئيرما وه‌ ئه‌وه‌گ كاره‌سات له‌لى ئه‌كه‌فێده‌و.