هــــه‌واڵ كــوردى
كورد و حكومه‌ت سوورى ريككه‌فتن له‌بان دراوردن نه‌فت و به‌شكردنى

كورد و حكومه‌ت سوورى ريككه‌فتن له‌بان دراوردن نه‌فت و به‌شكردنى


شه‌فه‌ق نيوز/ سه‌رچه‌وه‌يگ ئاگادار له‌ كه‌رت نه‌فتى سوورى، ئاشكراى ريككه‌فتنيگ كرد ك خاڵه‌يلى له‌ناونى حكومه‌ت سوورى و سه‌ركردايه‌تيه‌يل كورد جيوه‌جى ئه‌كريه‌ێد.

 

سه‌رچه‌وه‌گه‌ ئه‌را "سبوتنيك" وت: وه‌گووره‌ى ئه‌و ريككه‌فتنه‌ كورد ده‌س ئه‌كاده‌ دراوردن نزيكه‌ى 50 هه‌زار به‌رميل رووژانه‌ له‌ هه‌ردوگ سه‌رچه‌وه‌ى رمێلان و جبسه‌ له‌ پاريزگاى حه‌سه‌كه‌و سێكوتى ئه‌و نه‌فته‌ ته‌سليم وه‌ نه‌فتپاڵوو حومس ئه‌كا له‌ به‌رژه‌وه‌ندى حكومه‌ت سوورى، وه‌لێ سه‌ركردايه‌تيه‌يل كورد مقه‌يه‌تى له‌ دووكوتى باقيه‌گه‌ى ئه‌كه‌ن ئه‌را پڕه‌وكردن هه‌وه‌جه‌يل وه‌كاربردن ناوچه‌يى له‌ ناوچه‌يل ژير ده‌سڵاتيان.

 

سه‌رچه‌وه‌گه‌ ئاماژه‌ وه‌يه‌يش كرد ك سه‌رچه‌وه‌ى نه‌فتى رمێلان رووژانه‌ 160 هه‌زار به‌رميل هاوردياده‌‌ به‌رهه‌م وه‌رجه‌ جه‌نگ جه‌نگ له‌ سووريا و دوياخر به‌رهه‌مه‌گه‌ى داوه‌زێ ئه‌را 38 هه‌زار به‌رميل رووژانه‌و سه‌رچه‌وه‌ى جبسه‌يش به‌رهه‌مه‌گه‌ى داوه‌زێ ئه‌را 12 هه‌زار به‌رميل ك زويتر يه‌يش به‌رهه‌مى 30 هه‌زار به‌رميل رووژانه‌ بويه‌.