هــــه‌واڵ عــیراق
يابان 100 مليۆن دۆلار ئه‌ياده‌ عراق، وه‌لێ وه‌ مه‌رجيگ

يابان 100 مليۆن دۆلار ئه‌ياده‌ عراق، وه‌لێ وه‌ مه‌رجيگ


شه‌فه‌ق نيوز/ باڵوێزخانه‌ێ يابانى له‌ به‌غدا، ئاشكراى داين بڕ 100 مليۆن دۆلار كرد ئه‌را ئاوه‌دانكردنه‌وه‌ى ناوچه‌يل ئازادكرياێ له‌ عراق، وه‌لێ مه‌رج ئه‌وه‌ دانا پرووژه‌يل ئاوه‌دانى له‌ڕێ ريكخرياگه‌يل سه‌ر وه‌ نه‌ته‌وه‌يل يه‌كگرتگ و ريكخرياگه‌يل ئنسانى ناوده‌وڵه‌تيه‌و جيوه‌جى بكريه‌ێد.

 

له‌ى باوه‌ته‌و، باڵوێزخانه‌ێ يابانى له‌ به‌غدا له‌ به‌ياننامه‌يگ وت: ئه‌نجومه‌ن نوێنه‌ره‌يل عراقى رازيه‌ بويه‌ له‌بان كرده‌وه‌ێ تازه‌يگ له‌ پشتگيرى ئنسانى و سه‌قامگيرى ئه‌را عراق وه‌ بڕ نزيكه‌ى 100 مليۆن دۆلار ك حكومه‌ت يابانى پيشنيارێ وه‌ به‌شيگ له‌ بودجه‌ تمامكه‌ره‌گه‌ێ ساڵ 2017.

 

جى باسه‌، ئى ده‌سپيشخه‌رێ يابانيه‌ له‌ وه‌ختيگه‌ ك بڕيار سازكردن كۆنگره‌يگ ناوده‌وڵه‌تى دا ئه‌را ئاوه‌دانكردنه‌وه‌ى عراقى له‌ كوه‌يت له‌ناونى 12 و14 فبرايه‌ر، شووبات ئى مانگه‌.