هــــه‌واڵ كــوردى
قسه‌كه‌ر پارتى جواو لێدوانه‌گه‌ێ راوێژكار سه‌رۆك كۆمار داره‌و

قسه‌كه‌ر پارتى جواو لێدوانه‌گه‌ێ راوێژكار سه‌رۆك كۆمار داره‌و


شه‌فه‌ق نيوز/ پارت ديموكرات كوردستان وه‌ سه‌رۆكايه‌تى مه‌سعود بارزانى، ره‌خنه‌ له‌و لێدوانه‌يله‌ گرت ك ئه‌مير كنانى راوێژكار سه‌رۆك كۆمار داره‌ى له‌باره‌ى سه‌رۆك كۆمار و بارزانى و پارت ديموكرات كوردستان و وه‌ئه‌وه‌يش تومه‌تبارى كرد هه‌وڵ گه‌وجانن و شوردن مه‌ژگ درياوێد.

 

له‌ى باوه‌ته‌و، مه‌حمود محه‌مه‌د قسه‌كه‌ر وه‌ناو پارت ديموكرات له‌ به‌ياننامه‌يگ ئه‌را شه‌فه‌ق نيوز وت: لێدوانه‌يل ئه‌مير كنانى راوێژكار له‌ سه‌رۆكايه‌تى كۆمار عراق له‌باره‌ى مه‌سه‌له‌ى سه‌رۆك كۆمار و بارزانى و پارت ديموكرات له‌ كه‌ناڵ ئه‌لعراقيه‌ جى سه‌رسوڕمه‌نينه‌.

 

محه‌مه‌د له‌ جواودانه‌وه‌ى لێدوانه‌يل نادروس كنانى وت: ئه‌گه‌ر ئيران حه‌ز له‌لى نه‌كردياد و ته‌واسياده‌ى، نه‌ جه‌نابد ئيسه‌ راوێژكار سه‌رۆك كۆمار بوێد و نه‌يش ئه‌وه‌گ ئيسه‌ بويه‌سه‌ سه‌رۆك كۆمار بوياده‌ سه‌رۆك كۆمار.