هــــه‌واڵ عــیراق
عراق به‌ڵگه‌يل فه‌رمى ئه‌ياده‌ كورده‌يل فه‌يلى له‌ ئيران

عراق به‌ڵگه‌يل فه‌رمى ئه‌ياده‌ كورده‌يل فه‌يلى له‌ ئيران


شه‌فه‌ق نيوز/ وزاره‌ت كووچ و كووچبه‌ره‌يل ئاشكراێ ئه‌وه‌ كرد ك ليژنه‌ى هاوبه‌ش له‌ وزاره‌ته‌يل كووچ و ناوخوه‌يى و وه‌رگرى ده‌سكردنه‌سه‌ ده‌ركردن به‌ڵگه‌يل ئسپاتكه‌ر ئه‌را ئه‌و عراقيه‌يله‌ ك وجوود ديرن له‌ ئيران وه‌تايبه‌ت كورده‌يل فه‌يلى له‌وانه‌گ ره‌گه‌زنامه‌ى عراقى له‌ليان سه‌نرياوه‌ له‌وه‌خت حوكم رژيم وه‌رين.

 

له‌ى باوه‌ته‌و، قه‌حتان ئكرام بارانى نوێنه‌ر وزاره‌ته‌گه‌ له‌ ئيران له‌ باسيگ ئه‌را(شه‌فه‌ق نيوز)وت: ليژنه‌گه‌ ده‌سكرده‌سه‌ كاره‌يلى ئه‌را ده‌ركردن به‌لگه‌يل ئسپاتكه‌ر ئه‌را عراقيه‌يل له‌ ئيران و كوڵه‌وكردن وه‌خت و لاوردن رۆتين ئه‌را كه‌مه‌وكردن خه‌رج ماددى و ئه‌و وه‌خته‌ ك هاووڵاتى عراقى له‌و وڵاته‌ ئه‌واده‌ى سه‌ر ئه‌را وه‌رگرتن ئى به‌ڵگه‌ وه‌ شيوه‌يگ راسه‌وخۆ و ئاسانه‌وكردن كاره‌يل گله‌وخواردن و هاتنه‌وه‌ ئه‌را وڵات ره‌سه‌نيان.

 

جى باسه‌، بارانى هه‌ميش وت: ئى رى وشوونه‌ ته‌مامكه‌ر گامه‌يل وه‌رينه‌ ك وزاره‌ته‌گه‌ گرته‌ى خوه‌ى له‌ بوار چه‌وديرێ پێكهاته‌يل وه‌تايبه‌ت پيكهاته‌ى كورده‌يل فه‌يلى و پڕه‌وكرن هه‌وه‌جه‌يليان و چاره‌سه‌ركردن كيشه‌يليان.