هــــه‌واڵ كــوردى
يه‌كێتى 4 كه‌س ئه‌را پۆست پاريزگار كه‌ركوك و دووان ئه‌را په‌رله‌مان كانديد كرد

يه‌كێتى 4 كه‌س ئه‌را پۆست پاريزگار كه‌ركوك و دووان ئه‌را په‌رله‌مان كانديد كرد


شه‌فه‌ق نيوز/ وه‌ گووره‌ى زانياره‌يه‌يليگ دروس، يه‌كێتى نيشتمانى كوردستان مه‌سه‌له‌ى خوه‌ى يه‌كلاوه‌ كردگه‌ وه‌ كانديدكردن چوار كه‌س له‌ سه‌ركرده‌يلێ ئه‌را وه‌رگرتن پاريزگار كه‌ركوك.

 

ئه‌و زانياريله‌ ك وه‌ده‌س هاتنه‌ ئاماژه‌ وه‌ ئه‌وه‌ ئه‌كه‌ن يه‌كێتى نيشتمانى بريار كانديدكردن چوار كه‌س له‌ حزبه‌گه‌ێ داگه‌ ئه‌را پۆست پاريزگار كه‌ركوك و پيكهاتنه‌ له‌ هه‌ر يه‌ك له‌: رزگار عه‌لى، ئاسۆ مامه‌ند، ره‌فعه‌ت عه‌بدوڵڵا، خالد شوانى.

 

وه‌گووره‌ى زانياره‌يل، يه‌كيگ له‌و چوار كه‌سه‌ هه‌ڵوژريه‌ێد ئه‌را ئه‌و پۆسته‌ له‌ دانيشتنه‌يل ئاينده‌ وه‌ل پارت ديموكرات كوردستان و له‌وه‌رجه‌ سازكردن دانيشتن ئه‌نجومه‌ن پاريزگاى كه‌ركوك.

 

جى باسه‌، وه‌گووره‌ى زانياريه‌يليش باس له‌وه‌يش ئه‌كريه‌ێد ك يه‌كێتى نيشتمانى بێگه‌رد تاڵه‌بانى و رێواس فايق ئه‌را پۆست سه‌رۆك په‌رله‌مان كوردستانيش كانديد كردگه‌ جوور مافيگ خوه‌ێ.