هــــه‌واڵ كــوردى
بارزانى: تواناێ هويچ شه‌راكه‌تيگ وه‌ل عراق نه‌يريم

بارزانى: تواناێ هويچ شه‌راكه‌تيگ وه‌ل عراق نه‌يريم


شه‌فه‌ق نيوز/ نه‌يچێروان بارزانى سه‌رۆك وه‌زيره‌يل هه‌رێم كوردستان، جه‌خت له‌ نه‌وين هه‌ر توانايگ ئه‌را شه‌راكه‌ت كرد وه‌ل عراق و داوايش له‌ ئه‌مريكا و هاوپه‌يمان ناوده‌وڵه‌تى كرد پشتگيرى گفگوو ناونى هه‌ولێر و به‌غدا بكه‌ن له‌ باره‌ێ سه‌روه‌خوه‌يى هه‌رێم.

 

له‌ى باوه‌ته‌و، حكومه‌ت هه‌رێم كوردستان له‌ به‌ياننانه‌يگ وت: بارزانى له‌ ديدارێ وه‌ل بريت ماكغۆرك كلكرياگ تايبه‌ت سه‌رۆك وڵاته‌يل يه‌كرتگ ئه‌مريكى ئه‌را جه‌نگ دژ داعش له‌ عراق و شانده‌ ياوه‌ره‌گه‌ێ باس له‌ بار ئيسه‌ێ ناوچه‌گه‌و عراق كردنه.

 

به‌ياننامه‌گه‌ وت: ارزانى باسيش له‌ ئاماده‌گێ هه‌رێم كردگه‌ ئه‌را دانيشتن و گفتگوو فيشتر له‌وه‌ر چاره‌سه‌ر كيشه‌يل ناونى هه‌ولێر و به‌غداو باس له‌ نه‌وين هويچ توانايگ ئه‌را شه‌راكه‌تيش كردگه‌ وه‌ بوونه‌ێ پابه‌ند نه‌وين حكومه‌ت عراقى وه‌ جيوه‌جيكردن ده‌ستوور و يه‌يش خسته‌ڕوێ ك بريار چاره‌نويس ملله‌ت كوردستان مافيگ ره‌واو سروشتيه‌ وه‌تايبه‌ت دوياێ ئه‌و خه‌بات و قوربانيه‌يله‌ ك ئى ملله‌ته‌ پيشكه‌شى كردگه‌.

 

جى باسه‌، له‌لايه‌ن خوه‌ييشه‌و، ماكغۆرك ئه‌وه‌ ده‌رخست ك وڵاته‌گه‌ێ ريز و حورمه‌ت له‌ ئيراده‌ێ ملله‌ت كورد ئه‌گرێد ك هه‌رچه‌نى تێبينيه‌يليگيش هه‌ن له‌ باره‌ێ مه‌سه‌له‌ێ راپرسى و رووشناييش خسته‌ بان بار ئيسه‌ له‌ ناوچه‌گه‌و عراق و ئاشكراێ يه‌يش كرد ك چاره‌سه‌ر ئى كيشه‌يله‌ هه‌وه‌جه‌ وه‌ دانيشتن فيشتر ديرێد.‌