هــــه‌واڵ كــوردى
راوێژكار بارزانى مه‌رام سه‌ردان "فه‌تح" و ئئتلاف ده‌وڵه‌ت ياسا ئه‌را هه‌ولێر ئاشكراكرد

راوێژكار بارزانى مه‌رام سه‌ردان "فه‌تح" و ئئتلاف ده‌وڵه‌ت ياسا ئه‌را هه‌ولێر ئاشكراكرد


شه‌فه‌ق نيوز/ هێمن هه‌ورامى راوێژكار مه‌سعود بارزانى سه‌رۆك پارت ديموكرات كوردستان جه‌خت له‌وه‌ كرد ك سه‌ردان شاند هاوپه‌يمانى "فه‌تح" وه‌ سه‌رۆكايه‌تى هادى عامرى و ئئتلاف ده‌وڵه‌ت ياسا وه‌ سه‌رۆكايه‌تى نورى مالكى جيگر سه‌رۆك كۆمار ئه‌را هه‌ولێر ئه‌وه‌سه‌ دامه‌زرانن حكومه‌ت وه‌ل بارزانى تاوتوێ بكه‌ن.

 

هه‌ورامى له‌ توێته‌ر نويساگه‌ گشت لايه‌نه‌يل روێ له‌ هه‌ولێر ئه‌كه‌ن ئه‌را وه‌ده‌سهاوردن شيوازه‌يل هه‌ڵويست پارت ديموكرات كوردستان له‌ بڕيار هه‌ر فراكسيۆنێگ له‌ به‌غدا ك پشتگيريى وه‌ربگرێد ئه‌را دامه‌زرانن هاوپه‌يمانى فراوانيگ و بڕيار ئه‌وه‌گ كى ئه‌دێده‌ سه‌رۆك ئه‌نجومه‌ن وه‌زيره‌يل له‌ به‌غدا.

 

جى باسه‌، هه‌ر له‌ى باوه‌تيشه‌و شانديگ له‌ هاوپه‌يمانى فه‌تح وه‌سه‌رۆكايه‌تى هادى عامرى ئه‌ميندار گشتى ريكخرياگ به‌در ره‌سيه‌ شار هه‌ولێر پايته‌خت هه‌رێم كوردستان له‌ سه‌ردانيگ فه‌رمى ئه‌را ماوه‌ى 2 رووژ و له‌لايه‌ن هه‌ردوگ حزب سه‌ره‌كى پارت ديموكرات كوردستان و يه‌كێتى نيشتمانى كوردستانه‌و پيشوازى له‌ليان كرياو وه‌گووره‌ى زانيارييش ئه‌وه‌ ده‌ركه‌فت ك شانديگ تر له‌ ئئتلاف ده‌وڵه‌ت ياسايش وه‌ سه‌رۆكايه‌تى نورى مالكى جيگر سه‌رۆك كۆمار ره‌سنه‌ هه‌ولێر و هه‌ردوگ شاند ناوبرياگ برياره‌ سوو شه‌ممه‌ چه‌ويان بكه‌فێده‌ مه‌سعود بارزانى سه‌رۆك پارت ديموكرات كوردستان و باقى لايه‌نه‌يل تر سياسى كوردستان.