هــــه‌واڵ عــیراق
16 ده‌وڵه‌ت و له‌ليانيش عراق به‌شدارێ فيستيڤاڵ "ئه‌لفرانكۆ ئه‌راب" ئه‌كه‌ن له‌ مسر

16 ده‌وڵه‌ت و له‌ليانيش عراق به‌شدارێ فيستيڤاڵ "ئه‌لفرانكۆ ئه‌راب" ئه‌كه‌ن له‌ مسر


شه‌فه‌ق نيوز/ 16 ده‌وڵه‌ت عه‌ره‌بى و بيگانه‌ به‌شدارێ له‌ چالاكيه‌يل خول يه‌كه‌م فيستيڤاڵ ناوده‌وڵه‌تى مسر ئه‌را مۆسيقاێ"ئه‌لفرانكۆ ئه‌را‌ب"ئه‌كه‌ن، ك رووژ 21 حزه‌يران ده‌س وه‌پى ئه‌كاو وه‌رده‌وام ئه‌دێ تا 27 هه‌مان مانگ له‌ شار شه‌ره‌م ئه‌لشێخ.

 

له‌ى باوه‌ته‌و، هونه‌ره‌ند وه‌ليد ئه‌لحسه‌ينى سه‌رۆك فيستيڤاڵه‌گه‌، ئاگادارێ دا ك ئى خوله‌ 3 چالاكى ئه‌گرێده‌ خوه‌ێ و پيكهاتنه‌ له‌ ركاربه‌رێ گورانى له‌ وڵاته‌يل به‌شدار و ئاهه‌نگه‌يل گورانيچڕين ئه‌را گورانيچڕه‌يل و ماراسۆن گه‌شتيارێ وه‌ ئامانج چالاكه‌وكردن گه‌شتيارێ له‌ مسر.

 

ئه‌لحسه‌ينى باس له‌وه‌يش كرد ك ركابه‌ره‌يل له‌ گورانيه‌يليان هه‌وڵ وه‌ده‌سهاوردن ناسناو ئاساره‌ێ ئه‌لفرانكۆ ئه‌را‌ب ئه‌يه‌ن ك چالاكيه‌يلى له‌بان شانۆێ هۆليۆد له‌ شار شه‌ره‌م ئه‌لشێخ ئه‌نجام ئه‌گرێد.