هــــه‌واڵ عــیراق
دوياى په‌لامارداين حه‌شد.. هيزه‌يل عراقى و پێشمه‌رگه‌ كرده‌وه‌يگ هاوبه‌ش ئه‌نجام ئه‌يه‌ن

دوياى په‌لامارداين حه‌شد.. هيزه‌يل عراقى و پێشمه‌رگه‌ كرده‌وه‌يگ هاوبه‌ش ئه‌نجام ئه‌يه‌ن


شه‌فه‌ق نيوز/ هيزه‌يل عراقى و پێشمه‌رگه‌ ئاماده‌ن ئه‌را جيوه‌جيكردن كرده‌وه‌يگ هاوبه‌ش سه‌ربازێ له‌ ناوچه‌ى " قه‌ره‌چۆغ"  له‌ نزيك قه‌زاى مه‌خمور له‌ باشوور خوه‌رهه‌ڵات موسڵ.

 

يه‌يش له‌وه‌ختيگه‌ 6 كه‌س له‌ حه‌شد شه‌عبى كوشيان و 31 كه‌سيش زه‌خمدار بوين له‌ناو سه‌ياره‌يگ له‌لايه‌ن چه‌كداره‌يليگ سه‌ر وه‌ ريكخرياگ داعش له‌ڕێ داناين كه‌مين ئه‌رايان له‌بان رێ نزيك مه‌خمور.

 

له‌ى باوه‌تيشه‌و، سه‌رچه‌وه‌يگ وه‌رپرس ئه‌منى وت: ئى كرده‌وه‌ى هاوبه‌ش هێزه‌يل عراقى و پێشمه‌رگه‌ بڕياره‌ 48 سه‌عات دريژه‌ بياشتود ك وه‌ى نزيكه‌يله‌ ده‌س وه‌پى ئه‌كا ئه‌را پاكه‌وكردن به‌رزايه‌يل قه‌ره‌چۆغ و دێبه‌گه‌و مه‌خمور و گوێر له‌ شانه‌يل تيرۆريستى.