هــــه‌واڵ كــوردى
داواى داين دو مووچه‌ى چوار ده‌زگاى ناوه‌ندى له‌ هه‌رێم كوردستان كريه‌ێد

داواى داين دو مووچه‌ى چوار ده‌زگاى ناوه‌ندى له‌ هه‌رێم كوردستان كريه‌ێد


شه‌فه‌ق نيوز/ هۆشيار عه‌بدوڵڵا ئه‌ندام ئه‌نجومه‌ن نوێنه‌ره‌يل له‌بان فراكسيۆن گۆڕان، داوا له‌ وزاره‌ت ناوخوه‌يى ناوه‌ندى كرد دو مووچه‌ى چوار ده‌زگاى سه‌ر وه‌ وزاره‌ته‌گه‌ له‌ هه‌رێم كوردستان بدريه‌ێد ك پيكهاتنه‌ له‌"ره‌گه‌زنامه‌، پاسه‌پۆرت، ئيقامه‌، كارت زانيارى".

 

عه‌بدوڵڵا م ئه‌ندام ليژنه‌ى ئاسايش و وه‌رگرى نوێنه‌رايه‌تيه‌ له‌ به‌ياننامه‌يگ وت: له‌ وه‌ختيگ ك هه‌وڵه‌يل قاسم ئه‌عره‌جى وه‌زير ناوخوه‌يى به‌رز نرخنيم له‌ داين مووچه‌ى دو مانگ يه‌ك له‌شوون يه‌ك له‌ هه‌مان وه‌خت وه‌ كارمه‌نده‌يل ئه‌و ده‌زگايه‌يله‌، داوايش كه‌يم چاره‌سه‌ر كيشه‌ى نه‌داين مووچه‌ى هه‌ردوگ مانگ ته‌شرين دويه‌م و كانوون يه‌كه‌ميش له‌ساڵ گوزه‌يشت بكا ك تائيسه‌ دابه‌ش نه‌كرياگه‌.

 

جى باسه‌، عه‌بدوڵڵا زويتريش له‌ شه‌ممه‌ى گوزه‌يشت ئه‌وه‌ ده‌رخست ك ئه‌و چوار ده‌زگاى ناوه‌نديه‌ له‌ هه‌رێم كوردستان مووچه‌ى دو مانگ وه‌پيان ئه‌دريه‌ێد.