هــــه‌واڵ عــیراق
سه‌رچه‌وه‌يگ هه‌ڕه‌شه‌ى ئيران له‌وانه‌گ ئه‌چنه‌ ناو هاوپه‌يمان سه‌در – عه‌بادى ئاشكرا كرد

سه‌رچه‌وه‌يگ هه‌ڕه‌شه‌ى ئيران له‌وانه‌گ ئه‌چنه‌ ناو هاوپه‌يمان سه‌در – عه‌بادى ئاشكرا كرد


شه‌فه‌ق نيوز/ سه‌رچه‌وه‌يليگ عراقى ئاگادار، باس له‌وه‌ كردن قاسم سلێمانى سه‌ركرده‌ى پاسه‌وان شۆرش ئيرانى هه‌ڕه‌شه‌ى كوشتن له‌ شماره‌يگ له‌ سه‌ركرده‌ى فراكسيۆنه‌يل سياسى سنى كرگه‌ له‌ حاڵه‌تيگ ئه‌گه‌ر بڕيار چگن وه‌ناو ئه‌و هاوپه‌يمانيه‌ بيه‌ن ك له‌لايه‌ن موقته‌دا سه‌در و حه‌ه‌يده‌ر عه‌بادى سه‌رۆك وه‌زيره‌يل سه‌ركردايه‌تى ئه‌كريه‌ێد.

 

له‌ى باوه‌ته‌و، سكاى نيوز عه‌ره‌بى له‌زووان سه‌رچه‌وه‌يليگ وت: سلێمانى نامه‌ى راسه‌وخۆ هه‌ڕه‌شه‌ى كوشتن كلكردگه‌ ئه‌را شماره‌يگ له‌ سه‌ركرده‌ى فراكسيۆنه‌يل سياسى سنى له‌ حاڵه‌تيگ ئه‌گه‌ر بچنه‌ ناو هاوپه‌يمانيه‌يل سائرون و نه‌سر.

 

جى باسه‌، سلێمانى ئامانجى له‌ى هه‌ڕه‌شه‌ ئه‌وه‌سه‌ هان سنيه‌يل بيه‌ێد روێ له‌ هه‌ردوگ ليست فتح وه‌ سه‌رۆكايه‌تى هادى عامرى و ده‌وڵه‌ت ياسا وه‌ سه‌رۆكايه‌تى نورى مالكى بكه‌ن ك هه‌ردوگ ليسته‌گه‌ له‌لايه‌ن ئيرانه‌و پشتگيرى ئه‌كريه‌ێد.