هــــه‌واڵ عــیراق
شه‌ش كه‌س وه‌تومه‌ت كوشتن فه‌رمانده‌ى ليواى پاسه‌وانه‌يل عبادى ده‌سگير كريان

شه‌ش كه‌س وه‌تومه‌ت كوشتن فه‌رمانده‌ى ليواى پاسه‌وانه‌يل عبادى ده‌سگير كريان


شه‌فه‌ق نيوز/ ناوه‌ند ره‌سانن ئاسايشى، ئاشكراى ده‌سوه‌سه‌ركردن شه‌ش تومه‌تبار كرد له‌وه‌ر روێداگ كوشيان عه‌ميد شه‌ريف ئسماعيل ئه‌لمورشدى له‌ شار سامه‌ڕا.

 

ناوه‌نده‌گه‌ له‌ به‌ياننامه‌يگ ئه‌را شه‌فه‌ق نيوز وت: له‌وه‌ر جيوه‌جيكردن فه‌رمانه‌يل حه‌يده‌ر عبادى سه‌ركرده‌ى گشتى هيزه‌يل چه‌كدار ئه‌را په‌يجورى له‌ روێداگ كوشيان ئه‌لمورشدى له‌ شار سامه‌ڕا، هيزه‌يل ئاسايشى شه‌ش تومه‌تبار ده‌سوه‌سه‌ر كردنه‌.

 

به‌ياننامه‌گه‌ يه‌يش ده‌رخست ك رێ وشوون ياسايى ده‌رهه‌ق ئه‌و شه‌ش تومه‌تباره‌ له‌وه‌ر ئه‌گيريه‌ێد و ئاكامه‌يل ئه‌و په‌يجورييشه‌ له‌باوه‌ت ئى رويداگه‌و ئاشكرا ئه‌كريه‌ێد.

 

جى باسه‌، ئاماژه‌ وه‌يه‌يش ئه‌كريه‌ێد ك ئه‌لمورشدى ئامر ليواى 57 له‌ پاسه‌وانى حه‌يده‌ر عبادى سه‌رۆك وه‌زيره‌يل له‌ جه‌نگيگ وه‌ل سرايا ئه‌لسه‌لام سه‌ر وه‌ ره‌وت سه‌درى له‌ نزيك سامه‌ڕا گيان له‌ده‌سداگه‌.