ئابوورى
رافده‌ين مزگانى ئه‌ياده‌ خانه‌نشينه‌يل مه‌ده‌نى و سه‌ربازى

رافده‌ين مزگانى ئه‌ياده‌ خانه‌نشينه‌يل مه‌ده‌نى و سه‌ربازى


شه‌فه‌ق نيوز/ بانك رافده‌ين ئاشكراى داين وه‌جبه‌يگ تر تازه‌ له‌ سلفه‌ى خانه‌نشينه‌يل مه‌ده‌نى و سه‌ربازى كرد له‌ناونى 3 و 5 و 8 و 10 مليۆن دينار له‌ڕێ هووكاره‌يل وه‌رگرتن ئه‌لكترۆنى.

 

له‌ى باوه‌ته‌و، نويسينگه‌ه‌ بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: وه‌جبه‌ى تازه‌يگ له‌ سلفه‌ى خانه‌نشينه‌يل مه‌ده‌نى و سه‌ربازى ئه‌را زياتر له‌ 3500 خانه‌نشين خه‌رج كرياگه‌.

 

به‌ياننامه‌گه‌ هه‌ميش وت: دابه‌شكردن ئه‌و سلفه‌ له‌ڕێ په‌نجه‌موور و ئاگاداركردن خانه‌نشينه‌گه‌ بويه‌ له‌ڕێ نامه‌يگ ئه‌را وه‌رگرتنى، ئه‌ويش دوياى ته‌واوكردن گشت رێ وشوونه‌يل ياسايى ئه‌را وه‌رگرتنى.