هــــه‌واڵ عــیراق
"پرۆ ئه‌زول" داواكارى بافاريا له‌باره‌ى ده‌ركردن په‌نابه‌ره‌يل ئه‌را عراق ره‌ته‌و كرد

"پرۆ ئه‌زول" داواكارى بافاريا له‌باره‌ى ده‌ركردن په‌نابه‌ره‌يل ئه‌را عراق ره‌ته‌و كرد


شه‌فه‌ق نيوز/ ريكخرياگ "پرۆ ئه‌زول" وه‌رگريكه‌ر له‌ مافه‌يل ئاده‌ميزاد له‌ ئه‌ڵمانيا، ده‌ركردن په‌نابه‌ره‌يل ئه‌را عراق و ئه‌فغانستان ره‌ته‌و كرد.

 

ريكخرياگه‌گه‌ له‌ به‌ياننامه‌يگ ئه‌وه‌ ده‌رخست ك داواكارى يوخيم هيمان وه‌زير ناوخوه‌يى ولايه‌ت بافاريا ره‌ته‌و كردگه‌ ئه‌را وازكردن قاپى له‌ وه‌رده‌م تواناى ده‌ركردن تاوانباره‌يليگ ك مه‌ترسى له‌ليان ئه‌كريه‌ێد له‌و عراقيه‌يله‌ ك داواى ماف په‌نابه‌رى كردنه‌ ئه‌را گشت ناوچه‌يل عراق.

 

غونتر بورهارد سه‌رۆك ريكخرياگ پرۆ ئه‌زول له‌ به‌ياننامه‌يگ وت: وه‌زير ناوخوه‌يى ولايه‌ت بافاريا خوازيار ده‌ركردن په‌نابه‌ره‌يله‌ وه‌هه‌ر نرخيگ بوود و گرينگ نيه‌ له‌لاى ئه‌را هه‌ر شوونيگ دربكريه‌ن و خه‌رجى چه‌نيگ بدێ.