هــــه‌واڵ كــوردى
شانديگ باڵا له‌ "فه‌تح" داواى وازكردن لاپه‌ڕه‌ێ تازه‌يگ ئه‌كا له‌ناونى هه‌ولێر و به‌غدا

شانديگ باڵا له‌ "فه‌تح" داواى وازكردن لاپه‌ڕه‌ێ تازه‌يگ ئه‌كا له‌ناونى هه‌ولێر و به‌غدا


شه‌فه‌ق نيوز/ نويسينگه‌ى ره‌سانن مه‌سعود بارزانى سه‌رۆك پارت ديموكرات كوردستان، ئاشكراى ئه‌وه‌ كرد ك بارزانى له‌ هه‌وارگه‌ى سه‌ڵاحه‌دين چه‌وێ كه‌فته‌سه‌ شانديگ باڵا له‌ هاوپه‌يمانى فه‌تح.

 

نويسينگه‌گه‌ له‌ به‌ياننامه‌يگ وت: شاند ميوان ئاماژه‌ وه‌ خواست چاره‌سه‌ركردن كيشه‌يل ناونى هه‌رێم و به‌غدا كردگه‌ وه‌ل جه‌ختكردن له‌ وازكردن لاپه‌ڕه‌ێ تازه‌يگ له‌ناونى هه‌ردوگلا ئه‌را چاره‌سه‌ر كيشه‌و ناكووكيه‌يل وه‌و جووره‌گ ك خزمه‌ت بڕه‌سنێده‌ عراق و هه‌رێم كوردستان.

 

لاى خوه‌ييشه‌و، بارزانى رووشنايى خسته‌ بان په‌يوه‌نديه‌يل ناونى هه‌رێم و به‌غدا و جه‌ختيش له‌وه‌ كرد ك ملله‌ت كوردستان خاوه‌ن ماف ره‌وايگه‌ و يه‌يش ده‌رخست ك وازكردن لاپه‌ڕه‌ێ تازه‌يگ هه‌وه‌جه‌ وه‌ بنه‌ما ديرێد ئه‌را ته‌وافق و مقه‌يه‌تيكردن هاوبه‌شى له‌وه‌ر خاتر ئه‌وه‌گ كيشه‌و گرفته‌يل گوزه‌يشته‌ دوباره‌وه‌ نه‌كريه‌ن.