هــــه‌واڵ كــوردى
راپۆرتيگ بريتانى: كورد له‌ سورا فه‌لسه‌فه‌ێ ئۆجه‌ڵان دوير له‌ جه‌وه‌ڵ په‌يڕه‌و ئه‌كه‌ن

راپۆرتيگ بريتانى: كورد له‌ سورا فه‌لسه‌فه‌ێ ئۆجه‌ڵان دوير له‌ جه‌وه‌ڵ په‌يڕه‌و ئه‌كه‌ن


شه‌فه‌ق نيوز/ رووژنامه‌ى "فايننشال تايمز" راپۆرتيگ بڵاو كرد وه‌ناونيشان" هيزه‌يل ديموكراسى سوريا دعايه‌ ئه‌را فمره‌ى تواناى ئافره‌ت ئه‌كا له‌وه‌ر بته‌وكردن تواناى له‌بان ئه‌و ناوچه‌يل تازه‌ ك هانه‌ ژير ده‌سڵاتى".

 

نويسه‌ر ئى باوه‌ته‌ تاريفيگ له‌ ناوه‌ند "ستار ئه‌كاديمى ژنه‌يل" ئه‌كا له‌ باكوور خوه‌رهه‌ڵات سوريا و چوينێتى بڵاوكردنه‌وه‌ى گوڵه‌يل پلاستيكى له‌تى و له‌قه‌ێ ديواره‌يلێ وه‌ل داناين ره‌سم ئافره‌ته‌ جه‌نگاوه‌ره‌يل كورد بيجگه‌ ره‌سم روزا لوكسمبۆرگ سۆشياليست شۆڕشكار.

 

نويسه‌ره‌گه‌ وتگه‌ ئى ناوه‌نده‌ له‌ ناوه‌ڕوك فكر چه‌پ و ئايدۆلۆجى ئافره‌ته‌يل زانيد ك هيزه‌يل ديموكراسى سوريا دعايه‌ ئه‌رايان ئه‌كاو ئاماژه‌ وه‌يه‌يش كرد ك ره‌سم عه‌بدوڵڵا ئوجه‌ڵان سه‌رۆك وه‌رين پارت كارگه‌ره‌يل كوردستانيش ك ئيسه‌ ها زيندان له‌بان ديوار ناوه‌ندگه‌ دانرياگه‌.

 

نويسه‌ر باوه‌ته‌گه‌ هه‌ميش وتگه‌: ماوه‌ى چه‌ن ساڵێگ پارت كارگه‌ره‌يل هه‌وڵ بڵاوكردنه‌وه‌ى فه‌لسه‌فه‌و فكره‌ێ ئۆجه‌ڵان دا له‌ناونى كۆمه‌ڵگايه‌يل كورد له‌ خوه‌رهه‌ڵات ناوين، وه‌لێ هيزه‌يل ديموكراسى سوريا ده‌رفه‌ت دا خوه‌ێ ئه‌را په‌يڕه‌وكردن ئى فكر و فه‌لسه‌فه‌ دوير له‌ شوونه‌يليان له‌ جه‌وه‌ڵه‌يل، ئه‌ويش وه‌ پشتگيرى ئاسمانى ئه‌مريكى ئه‌رايان ك تويه‌نستن روى وه‌ڕوى ريكخرياگ ترۆريستى داعش بوونه‌وه‌.