هــــه‌واڵ عــیراق
ئه‌نداميگ هه‌ڵويست ئه‌نجومه‌ن كه‌ركوك له به‌رزكردن ئاڵا له‌ نه‌وروز ئاشكرا كرد

ئه‌نداميگ هه‌ڵويست ئه‌نجومه‌ن كه‌ركوك له به‌رزكردن ئاڵا له‌ نه‌وروز ئاشكرا كرد


شه‌فه‌ق نيوز/ بابه‌كر سديق ئه‌ندام ئه‌نجومه‌ن پاريزگاى كه‌ركوك، جه‌خت له‌وه‌ كرد ك حزبه‌يل كوردستانى ره‌زامه‌نى حكومه‌ت ناوچه‌يى وه‌رگرتنه‌ ئه‌را ئاهه‌نگسازى وه‌ بوونه‌ى جه‌شن نه‌وروز و به‌رزه‌وكردن ئاڵاى كورد له‌ پاريزگاگه‌.

 

سديق ئه‌را شه‌فه‌ق نيوز وت: حزبه‌يل كوردستانى دانيشتنيگ وه‌ل ئه‌نجومه‌ن پاريزگا له‌ كه‌ركوك ئه‌نجام دانه‌و له‌و دانيشتنه‌ داواى پشتگيرى ئه‌نجومه‌نه‌گه‌ كردنه‌ ئه‌را ئاهه‌نگسازى له‌ جه‌شنه‌يل نه‌وروز و يه‌يش ده‌رخست ك ئه‌نجومه‌نه‌گه‌ ره‌زامه‌نى نيشانداگه‌ ئه‌را سازكردن ئه‌و ئاهه‌نگه‌و به‌رزه‌وكردن ئاڵاى كورد.

 

جى باسه‌، سديق هه‌ميش وت: تائيسه‌يش هويچ ره‌تكردنه‌وه‌يگ فه‌رمى يا حكومى ئه‌را نواگيرى له‌ به‌رزه‌وكردن ئاڵاى كورد وه‌پيمان نه‌ڕه‌سيه‌.