هــــه‌واڵ كــوردى
وه‌زير خارجيه‌ى ئه‌ڵمانى سه‌ردان كوردستان ئه‌كاو چه‌وى ئه‌كه‌فێده‌ بارزانى

 وه‌زير خارجيه‌ى ئه‌ڵمانى سه‌ردان كوردستان ئه‌كاو چه‌وى ئه‌كه‌فێده‌ بارزانى


شه‌فه‌ق نيوز/ سه‌رچه‌وه‌يل ئاگادار له‌ هه‌ولێر پايته‌خت هه‌رێم كوردستان باس له‌وه‌ كردن ك سيغمار غابريل وه‌زير خارجيه‌ى ئه‌ڵمانى له‌ سه‌ردانيگ فه‌رمى ئه‌ڕه‌سێده‌ هه‌ولێر دوياى ديداره‌يليگ وه‌ل گه‌ورا وه‌رپرسه‌يل عراقى له‌ به‌غدا.

 

ئه‌و سه‌رچه‌وه‌يله‌ ئاماژه‌ وه‌ ئه‌وه‌ كردن ك بڕياره‌ سوو په‌نجشه‌ممه‌ غابريل چه‌ن ديداريگ له‌ هه‌رێم كوردستان ساز بكاو له‌وانه‌يش ديدار وه‌ل مه‌سعه‌د بارزانى سه‌رۆك هه‌رێم كوردستان.

 

جى باسه‌، هه‌مان سه‌رچه‌وه‌يل باس له‌وه‌يش كردن ك وه‌زير خارجيه‌ى ئه‌ڵمانى باس له‌ دويا روێداگه‌يل جه‌نگ دژ ريكخرياگ ترۆريستى داعش و بار كووچبه‌ره‌يليش له‌ هه‌رێم و په‌يوه‌نديه‌يل ناونى هه‌ردوگلايش ئه‌كا.