هــــه‌واڵ عــیراق
واده‌ێ كۆنگره‌ێ سنى له‌ به‌غدا ديارى كريا

واده‌ێ كۆنگره‌ێ سنى له‌ به‌غدا ديارى كريا


شه‌فه‌ق نيوز/ مه‌حمود مه‌شهه‌دانى سه‌رۆك په‌رله‌مان عراقى وت: كۆنگره‌ێ هيزه‌يل سياسى و كه‌سايه‌تيه‌يل ك نوێنه‌رايه‌تى پاريزگايه‌يل زوورمينه‌ى سنى ئه‌كه‌ن له‌ 13ى ئى مانگه‌ ساز ئه‌كريه‌ێد.

 

مه‌شهه‌دانى له‌ لێدوانيگ رووژنامه‌گه‌رى ئه‌را(شه‌فه‌ق نيوز)وت: كۆنگره‌ێ نيشتمانى به‌غدا له‌ رووژ په‌نجشه‌ممه‌ له‌ ١٣/ ته‌ممووز ٢٠١٧ له‌ به‌غدا ئه‌نجام ئه‌گرێد وه‌ ئاماده‌بوين وه‌زيره‌يل و نوێنه‌ره‌يل ئيسه‌و وه‌رين پاريزگايه‌يل و ناوچه‌يل ئازادكرياێ و كه‌سايه‌تيه‌يل ئه‌كاديمى و ئايينى و ئه‌شايرى.

 

جى باسه‌، مه‌شهه‌دانى هه‌ميش وت: له‌ى كۆنگره‌ باس له‌ قوناغ دوياێ داعش و گله‌وخواردن كووچبه‌ره‌يل و سه‌قامگيرى ناوچه‌يل ئازادكرياێ ئه‌كريه‌ێ و ليژنه‌ێ ئاماده‌كارێ كۆنگره‌گه‌يش داوه‌ت فه‌رمى ئاراسته‌ێ هه‌رسێ سه‌رۆكايه‌تييش ئه‌كا بيجگه‌ كه‌سايه‌تيه‌يل په‌يوه‌نديدار وه‌ى كۆنگره‌.