هــــه‌واڵ كــوردى
ڕێ سلێمانى - كه‌لار هه‌يشت كه‌س كوشت و زه‌خمدار كرد

 ڕێ سلێمانى - كه‌لار هه‌يشت كه‌س كوشت و زه‌خمدار كرد


شه‌فه‌ق نيوز/ له‌ئاكام روێداگيگ هاتوچوو له‌بان ڕێ سلێمانى - كه‌لار سێ كه‌س گيان له‌ده‌سدان و په‌نج كه‌سيش زه‌خمدار بوين.

 

ئه‌و روێداگه‌ له‌ئاكام وه‌يه‌كاكيشان دو سه‌ياره‌ كه‌فته‌و دوياى ئه‌وه‌گ شوفێريگ ناچار بوێ سه‌ياره‌گه‌ى له‌ڕێ لابيه‌ێد له‌وه‌ر ئه‌وه‌گ ئاژه‌ڵيگ كه‌فته‌ نواى سه‌ياره‌گه‌ى و كيشا سه‌ياره‌يگ تر و سێ كه‌س گيان له‌ده‌سدان و په‌نج كه‌سيش زه‌خمدار بوين.

 

جى باسه‌، يه‌كسه‌ر سه‌ياره‌يل ئه‌مپوڵانس ره‌سينه‌سه‌ شوون روێداگه‌گه‌و ته‌رمه‌يل جيوازكردنه‌ ئه‌را ده‌زگاى دادوه‌رى پزيشكى و زه‌خمداره‌يليش بردنه‌ وه‌ره‌و نه‌خوه‌شخانه‌ى ته‌وارى.