هــــه‌واڵ عــیراق
رافده‌ين ئاشكراكردنيگ دا له‌باره‌ێ باج گومرگى له‌ ده‌روازه‌يل مه‌رزێ

رافده‌ين ئاشكراكردنيگ دا له‌باره‌ێ باج گومرگى له‌ ده‌روازه‌يل مه‌رزێ


شه‌فه‌ق نيوز/ بانك رافده‌ين ئاشكراى ئه‌وه‌ كرد ك داين باج گومرگى له‌لايه‌ن هاووڵاتيه‌يله‌و له‌ ده‌روازه‌يل مه‌رزێ وه‌ دۆلار و دينار ئه‌دێ و يه‌يش ده‌رخست ك ئستماره‌ى جبايه‌ ريكخرياگيه‌ له‌وه‌ر كۆنترۆڵكردن و چه‌ودێرى و ئاسانكارى له‌ دقه‌تكردن ك هه‌ر له‌ سه‌ره‌تاوه‌ هاورياسه‌ كار له‌ بنگه‌يل مه‌رزێ.

 

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: له‌ حاڵه‌ت وه‌رگرتن باج گومرگى له‌ هاووڵاتيه‌يل وه‌ داين دينار عراق بڕ (5000) ديناره‌ ئه‌را هه‌ر سه‌د هه‌زار دينار ك ئه‌كاده‌( 5%)، ك ئه‌ويش له‌وه‌ر خه‌رج كاره‌يل شماردن و جياكردن و جيوازكردن و ده‌سه‌وه‌ركردن بڕه‌ پويله‌ وه‌ دينار عراقى ك بڕ فريه‌يگه‌.

 

جى باسه‌، به‌ياننامه‌گه‌ وت: له‌ حاڵه‌ت وه‌رگرتن باج گومرگى وه‌ دۆلاريش ئه‌خريه‌ێده‌ لقيگ له‌ هساو پويل نه‌ختى بيگانه‌ وه‌ گووره‌ى بڵاوكردنى له‌لايه‌ن بانك ناوه‌نديه‌و ئه‌را سه‌ندن و وه‌ نرخ 1182 وه‌ل تۆماركردنى له‌ سه‌ند و ئه‌را هه‌ر دۆلاريگ ك مه‌زه‌نه‌كردن و تۆماركردنى وه‌ هه‌مان نرخ ئه‌دێ.