هــــه‌واڵ كــوردى
بارزانى: هويچ كيشه‌يگ وه‌ل حه‌شد نه‌يريم.. وه‌لێ نايه‌ێده‌ كوردستان

بارزانى: هويچ كيشه‌يگ وه‌ل حه‌شد نه‌يريم.. وه‌لێ نايه‌ێده‌ كوردستان


شه‌فه‌ق نيوز/ مه‌سعود بارزانى سه‌رۆك هه‌رێم كوردستان ئاشكراێ ئه‌وه‌ كرد ك ئامانج له‌ راپرسێ ئه‌را سه‌روه‌خوه‌يى هه‌رێم نواگيريه‌ له‌ كاره‌سات و جه‌نگه‌يل تازه‌و جه‌خت له‌وه‌يش كرد ك په‌شيمانى له‌ راپرسێ مه‌حاڵه‌.

 

بارزانى له‌ باسيگ ئه‌را رووژنامه‌ى ئه‌لحه‌يات جه‌خت له‌بان وجوود مه‌ترسيه‌يليگ كرد له‌ كاره‌يل ئنتقام و زوڵمكردن له‌ بيتاوانه‌يل له‌ ته‌لعه‌فه‌ر ئه‌گه‌ر هيزه‌يل حه‌شد شه‌عبى به‌شدارى بكه‌ن له‌ هاوردنه‌وه‌ێ ئه‌و ناوچه‌ له‌ژير ده‌سڵات داعش.

 

بارزانى هه‌ميش وت: ئيمه‌ هويچ كيشه‌يگ وه‌ل حه‌شد شه‌عبى نه‌يريم، وه‌لێ بيگومان ڕێ نايه‌يم ئى هيزه‌يله‌ بانه‌ ناو خاك كوردستان و ئيمه‌ داواێ جه‌نگ ناكه‌يم و ده‌سپيشخه‌رييش ئه‌راێ ناكه‌يم، وه‌لێ ئيمه‌ ماف وه‌رگرى له‌ خوه‌مان ديرێم ئه‌گه‌ر له‌ حاڵه‌تيگ فه‌رز كريا له‌ بانمان.