هــــه‌واڵ عــیراق
له‌ئاكام ته‌قه‌كردن هه‌ڕه‌مه‌كى 54 حاڵه‌ت تويشبوين تۆمار كريا

له‌ئاكام ته‌قه‌كردن هه‌ڕه‌مه‌كى 54 حاڵه‌ت تويشبوين تۆمار كريا


شه‌فه‌ق نيوز/ نه‌خوه‌شخانه‌ى جراحه‌ت سه‌ر له‌به‌غدا ئاشكراى پيشوازيكردن له‌ 54 حاڵه‌ت تويشهاتن وه‌ سه‌ر وه‌ گوله‌ كرد له‌ئاكان ته‌قه‌كردن هه‌ڕه‌مه‌كى له‌ سه‌ره‌تاى 2018 تا 1 ئه‌يلول ئى مانگه‌و يه‌يش ده‌رخست زوورم ئه‌و حاڵه‌ته‌يله‌ چاره‌سه‌ر كريانه‌و گوله‌گه‌ له‌ سه‌ريان ده‌ركرياگه‌.

 

سه‌مير حه‌ميد دلفى وه‌ريه‌وبه‌ر نه‌خوه‌شخانه‌گه‌ له‌ به‌ياننامه‌يگ ئه‌را شه‌فه‌ق نيوز وت: ته‌وارى نه‌خوه‌شخانه‌گه‌ پيشوازى له‌ نزيكه‌ى 54 حاڵه‌ت تويشهاتن سه‌ر كردگه‌ له‌ئاكام ته‌قه‌ى هه‌ڕه‌مه‌كى له‌ به‌غداى پايته‌خت له‌ سه‌ره‌تاى 2018 تائيسه‌.

 

دلفى هه‌ميش وت: له‌ناونى ئه‌و حاڵه‌ته‌يله‌ 6 له‌ليان ئافره‌ت بوينه‌و ئاماژه‌ وه‌يه‌يش كرد گشت ئه‌و زه‌خمداره‌يله‌ تويش خوين وه‌ربوين له‌ مه‌ژگ هاتنه‌و له‌ناونيانيش نيمچه‌ ئفليجى و بڕيگ له‌ليان زه‌ره‌د وه‌ نوڕستانيان ره‌سيه‌ بيجگه‌ حاڵه‌ته‌يل تر.