هــــه‌واڵ عــیراق
جاريگتر نسه‌يف تومه‌تبار جومه‌يلى كرد

جاريگتر نسه‌يف تومه‌تبار جومه‌يلى كرد


شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل عراقى له‌بان ئئتلاف ده‌وڵه‌ت ياسا، جواو تومه‌ته‌يل سه‌لمان جومه‌يلى وه‌زير نه‌خشه‌كيشان و وه‌زير بازرگانى وه‌ وكاله‌ت داره‌و وه‌ ته‌زويركردن ئمزاێ نوێنه‌ره‌يل له‌وه‌خت گرده‌وكردن ئمزايه‌يل ئه‌را ميوانداريكردن جومه‌يلى له‌ په‌رله‌مان و يه‌يش وه‌ سووكايه‌تى شانيه‌ت كه‌مى ئه‌را ئه‌ندامه‌يل په‌رله‌مان تاريف كرد.

 

نسه‌يف له‌ لێدوانيگ رووژنامه‌گه‌رى ئه‌را(شه‌فه‌ق نيوز)وت: جومه‌يلى گه‌مه‌ وه‌ ئه‌قڵ نوێنه‌ره‌يل ئه‌كا هه‌ناێ له‌ به‌ياننامه‌يگ ده‌ركرياگ له‌لايه‌ن نويسينگه‌گه‌يه‌و باس له‌وه‌ كرد ك شماره‌يگ له‌ ئه‌ندامه‌يل په‌رله‌مان ئمزا له‌بان وه‌ره‌قه‌ كردنه‌و ته‌ماشاێ ناوه‌ڕووكى نه‌كردنه‌.

 

نسه‌يف وت: نوێنه‌ر ئه‌رك خوه‌ێ زانێد و خاسيش ئاگاداره‌ ك ئمزا له‌بان ميواندارێ ئه‌كا، چوينكه‌ ناوڕووك ئه‌و ده‌قه‌ خوه‌نستگه‌ وه‌رجه‌ ئمزاكردنى و ئيمه‌يش نه‌فام نييم ئى چشته‌ نه‌زانيم و يه‌يش سووكايه‌تيه‌ وه‌ نوێنه‌ره‌يل ملله‌ت و داوايش له‌ سه‌رۆك ئه‌نجومه‌ن نوێنه‌ره‌يل كرد ئى مه‌سه‌له‌ يه‌كلاوه‌ بكا له‌ڕى داواكردن له‌و 48 ئه‌ندامه‌يله‌ ك ئمزا كردنه‌، يا هه‌ركام له‌ليان ئويشيد ئمزا نه‌كردمه‌ با له‌وه‌رده‌م په‌رله‌مان شايه‌تى بيه‌ێد.