هــــه‌واڵ عــیراق
خانمه‌ ئه‌نداميگ كوه‌يتى په‌لامار‌ كۆنگره‌ و حكومه‌ته‌يل عراق دا

خانمه‌ ئه‌نداميگ كوه‌يتى په‌لامار‌ كۆنگره‌ و حكومه‌ته‌يل عراق دا


شه‌فه‌ق نيوز/ سه‌فا ئه‌لهاشم ئه‌ندام له‌ ئه‌نجومه‌ن ئومه‌ى كوه‌يتى، قسه‌ وه‌و كۆنگره‌ كرد ك وڵاته‌گه‌ێ گرته‌سه‌ێ خوه‌ى ئه‌را ئاوه‌دانكردنه‌وه‌ى عراق و له‌ هه‌مان وه‌خت حكومه‌ت عراقيش وه‌ شكه‌ست تاريف كرد له‌ جيوه‌جيكردن پيشكه‌فتن و ئاوه‌دانى ئه‌را ملله‌ته‌گه‌ێ.

 

ئه‌لهاشم له‌بان لاپه‌ڕه‌ێ خوه‌ێ له‌ توێته‌ر ك شه‌فه‌ق نيوز ئاگادارى بوى، وت: له‌ جياێ ئه‌وه‌گ ماسييگ بيه‌ێده‌ پيم، هووكاره‌م بكه‌ چوين راوێ بكه‌م، باس له‌وه‌يش كرد ك حكومه‌ته‌يل يه‌ك له‌شوون يه‌ك عراق شكه‌ست خوه‌يان ئسپات كردنه‌ له‌ دوسيه‌ێ ئاوه‌دانكردن و پيشكه‌فتن ئه‌را ملله‌ته‌گه‌يان و يه‌يش ده‌رخست ك ئاسا له‌وه‌رچه‌ 100 مليار ته‌سليم وه‌پيان بكريه‌ێد؟

 

جى باسه‌، ئه‌لهاشم هه‌ميش وت: كاره‌گه‌ وه‌ مه‌رته‌به‌ێ يه‌كه‌م بيه‌نه‌ێ ده‌س كومپانيايه‌يل كوه‌يتى ك ئه‌يه‌نه‌ ناو بازاڕ عراقى و ئاوه‌دانى و بنياتناين ئه‌كا، پرسيار له‌وه‌يش كرد و وت: كى دقه‌ت خه‌رجكردن ئه‌كا؟ و كى چه‌وديرێ وه‌به‌رهاوردنيان ئه‌كا؟