هــــه‌واڵ عــیراق
حه‌لبوسى ئه‌را قه‌ته‌ر: مه‌سه‌له‌ێگ ديرێم ناڵنيم وه‌پيه‌و

حه‌لبوسى ئه‌را قه‌ته‌ر: مه‌سه‌له‌ێگ ديرێم ناڵنيم وه‌پيه‌و


شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل له‌ ديدارى وه‌ل ئه‌حمه‌د بن عه‌بدوڵڵا بن زه‌يد ئال مه‌حمود جه‌خت له‌وه‌ كرد ك عراق هيمان ناڵنێد وه‌ بوونه‌ى دوسيه‌ێ ئاواره‌يل.

 

حه‌لبوسى وت: چه‌وه‌ڕێ ئه‌وه‌ ئه‌كه‌يم حكومه‌ت قه‌ته‌رى پشتگيرى حكومه‌ت عراقى بكا له‌ جواودانه‌وه‌ى خواسته‌يل به‌رنامه‌ى حكومى له‌ڕێ به‌شدارى له‌ ئاوه‌دانكردنه‌وه‌ى عراق ك ژيرخانه‌ ئابووريه‌گه‌ ويران كريا وه‌ بوونه‌ى جه‌نگ دژ تيرۆر.

 

حه‌لبوسى ئاماژه‌ وه‌ هه‌وڵداينيش كرد ئه‌را فراوانكردن ئاسوو هاوكارى له‌بان ئاست ئابوورى و كاراكردنه‌وه‌ى دوسيه‌ى وه‌به‌رهاوردن و نه‌فوه‌رگرتن له‌ شاره‌زايى كۆمپاينايه‌يل قه‌ته‌رێ له‌ى بواره‌ و وت: بارودوخ عراق دوياى سه‌ركه‌فتن له‌بان داعش روێ له‌ خاسبوين وه‌رده‌وام ئه‌كا وه‌تايبه‌ت له‌ئاسته‌يل ئه‌منى و كۆمه‌ڵايه‌تى و داوايش له‌ قه‌ته‌ر كرد هاوكارى عراق بكا له‌ دوسيه‌ى ئاواره‌يل وه‌ ئه‌وه‌گ دوسيه‌يگه‌ ك هيمان عراق وه‌پيه‌و ناڵنێد و كار له‌بان چاره‌سه‌رێ ئه‌كاو هه‌وه‌جه‌ وه‌ وه‌خت ديرێد.

 

جى باسه‌، لاى خوه‌يه‌و سه‌رۆك ئه‌نجومه‌ن شوراى قه‌ته‌رييش ئاماده‌گى وڵاته‌گه‌ى ئه‌را پشتگيرى عراق ده‌رخست له‌ گشت بواره‌يل و باس له‌وه‌يش كرد ك عراق ناوه‌ند سه‌قامگيرى و ئارامى ناوچه‌گه‌شه‌و بايه‌سه‌ پشتگيرى بكريه‌ێد.