هــــه‌واڵ كــوردى
نێچێروان بارزانى سه‌ردان سلێمانى ئه‌كاو حزبه‌يلش وه‌ره‌قه‌ ئه‌راێ ئاماده‌ كردنه‌

نێچێروان بارزانى سه‌ردان سلێمانى ئه‌كاو حزبه‌يلش وه‌ره‌قه‌ ئه‌راێ ئاماده‌ كردنه‌


شه‌فه‌ق نيوز/ حزبه‌يل سياسى جوور بزووتنه‌وه‌ى گۆڕان و يه‌كێتى ئسلامى و جه‌ماعه‌ت ئسلامى كوردستانى له‌ شار سلێمانى ئاشكراى دانيشتنيگ كردن له‌ى دوياخره‌ و وه‌ گووره‌ى سه‌رچه‌وه‌يل ئاگادار ئه‌وه‌ ده‌ركه‌فت ك وه‌ره‌قه‌يگيش ئاماده‌ ئه‌كه‌ن ئه‌را خستنه‌ڕوى له‌وه‌رده‌م نێچێروان بارزانى سه‌رۆك ئه‌نجومه‌ن وه‌زيره‌يل هه‌رێم كوردستان.

 

ئه‌و سه‌رچه‌وه‌يله‌ ئه‌را(شه‌فه‌ق نيوز)وتن: بارزانى له‌ى هه‌فته‌ سه‌ردان پاريزگاى سلێمانى ئه‌كاو دانيشتنيگ وه‌ل حزبه‌يل ناوبرياێ ساز ئه‌كا له‌وه‌ر يه‌كده‌نگى سياسى وه‌رجه‌ چگنى ئه‌را به‌غداى پايته‌خت.

 

هه‌مان سه‌رچه‌وه‌يل باس له‌وه‌يش كردن ئه‌و حزبه‌يله‌ وه‌ره‌قه‌يگ ئه‌را حكومه‌ت ئاماده‌ كردنه‌ له‌باره‌ى بارودوخ ناوخوه‌يى له‌ هه‌رێم كوردستان و له‌ ناوچه‌يل كيشه‌ له‌سه‌ر دوياى روێداگه‌يل 16ى ته‌شرين يه‌كه‌م ك ئى پاكێجه‌ ديد حزبه‌يل له‌باوه‌ت ناكووكيه‌يل و كيشه‌يل ناونى هه‌ولێر و به‌غدا گرته‌سه‌ خوه‌ى.