هــــه‌واڵ جیــهانى
توركيا داواكارييگ تازه‌ى ئه‌مريكى ره‌ته‌و كرد

توركيا داواكارييگ تازه‌ى ئه‌مريكى ره‌ته‌و كرد


شه‌فه‌ق نيوز/ رووژنامه‌ى"يه‌نى شه‌فه‌ق"توركى وت: ئه‌تقه‌ره‌ داواكارييگ تازه‌ى ئه‌مريكى ئه‌را ده‌س هه‌ڵگرتن له‌ سه‌ندن سيسته‌م "ئێس 400" وه‌رگرێ ئاسمانى ره‌ته‌و كردگه‌ وه‌رانوه‌ر هاوردن سيسته‌م "باتريوت" ئه‌مريكى ئه‌را وه‌رگرى ئاسمانى.

 

رووژنامه‌گه‌ له‌ زووان سه‌رچه‌وه‌يلێ وت: دويا هه‌وڵيگ ئه‌را قه‌ناعه‌ت وه‌پيكردن توركيا ك ده‌س هه‌ڵبگرێد له‌ سه‌ندن "ئێس 400" له‌وه‌خت سه‌ردانه‌گه‌ێ شانده‌ ئه‌مريكيه‌گه‌ بويه‌ له‌ى هه‌فته‌ ئه‌را ئه‌نقه‌ره‌.

 

رووژنامه‌گه‌ ئاماژه‌ وه‌يه‌يش كرد ده‌سڵاته‌يل توركى ئه‌و داواكارێ واشنتۆنه‌ ره‌ته‌و كردنه‌ له‌وه‌ر ئه‌وه‌گ هويچ له‌و نرخ ئه‌و سيسته‌مه‌ كه‌مه‌و ناكريه‌ێد ك ئه‌ويش 3،5 مليار دۆلاره‌، يه‌يش له‌وه‌ختيگ ك نرخ سيستمه‌يل رووسى چه‌ن جاريگ له‌وه‌ ئه‌رزانتر نيشێد ئه‌را توركيا.