شه‌فه‌ق نيوز/ هۆشيار عه‌بدوڵڵا ئه‌ندام له‌بان كوتله‌ى گۆڕان كورد، جه‌خت له‌وه‌ كرد ك حكومه‌ت عادل عه‌بدولمه‌هدى سه‌رۆك وه‌زيره‌يل نه‌بايه‌د سه‌ربكه‌فێد وه‌بى ئه‌وه‌گ چاره‌سه‌ر گورج ئه‌را كيشه‌يل پاريزگاى به‌سره‌ دابنه‌ێد.

عه‌بدوڵڵا له‌ به‌ياننامه‌يگ ئه‌را شه‌فه‌ق نيوز وت: وه‌بى چاره‌سه‌ر كيشه‌يل پاريزگاى به‌سره‌ نه‌بايه‌د گام خسيگ له‌ كار حكومى و سه‌رخستن حكومه‌ت عه‌بدولمهدى وه‌ره‌و نوا بچيم، چوينكه‌ سه‌ركه‌فتن ئى حكومه‌ته‌ شايه‌ت له‌ به‌سره‌وه‌ ده‌س وه‌پى بكا.

جى باسه‌، عه‌بدوڵڵا هه‌ميش وت: جى داخه‌ ك حكومه‌ت وه‌رين بڕياريگ ئه‌را لاوردن وه‌زاره‌ت ژينگه‌ ده‌ركرد، يه‌يش له‌وه‌ختيگ ك عراق وه‌گشتى و به‌سره‌ وه‌تايبه‌ت نه‌ك هه‌ رته‌نيا وه‌ وه‌زاره‌ته‌گه‌، به‌ڵكوو هه‌وه‌جه‌ وه‌ گرنگييگ تايبه‌ت داشت.