هــــه‌واڵ عــیراق
نسه‌يف جواو ئه‌و تومه‌ته‌يله‌ داره‌و له‌باره‌ى موسڵ ئاراسته‌ى كريا

نسه‌يف جواو ئه‌و تومه‌ته‌يله‌ داره‌و له‌باره‌ى موسڵ ئاراسته‌ى كريا


شه‌فه‌ق نيوز/ نويسينگه‌ى ره‌سانن عاليه‌ نسه‌يف ئه‌ندام ئه‌نجومه‌ن نوێنه‌ره‌يل، سه‌رى سوڕمه‌ند له‌و تومه‌ته‌يله‌ ك له‌لايه‌ن يه‌كيگ له‌ نوێنه‌ره‌يله‌و ئاراسته‌ى كريا سه‌باره‌ت وه‌ خراويكردن ده‌رهه‌ق مه‌ردم شار موسڵ.

 

نويسينگه‌ى ره‌سانن له‌ به‌ياننامه‌يگ وت: نسه‌يف له‌ ديداريگ كه‌ناڵ ئاسمانى دجله‌ قسه‌ له‌باره‌ى كانديدكردن ئافره‌تيگ كرد ئه‌را وه‌رگرتن پۆست وه‌زاره‌ت په‌روه‌دره‌ ك برايگى داعشى بويه‌و وت: وه‌گووره‌ى بنه‌ماى ياسايى و فقهى ئه‌وه‌گ زانستگه‌ وه‌ تاوانه‌يل براگه‌ى و كه‌سه‌گه‌ێ و بيده‌نگى نيشاندا جوور شه‌ريكيه‌ له‌و تاوانه‌و براى ئى وزيريشه‌ سه‌ر وه‌داعش بويه‌و تاوان ئه‌نجام داگه‌، ك ئايا دروو وه‌ل خوه‌مانا بكه‌يم و بويشيم هاووڵاتى خاسيگه‌ ئه‌را نموونه‌؟ يا خوه‌يشكه‌گه‌ى له‌ ئاسمانيگ تر ژيا و ئاگادار نه‌ويه‌ له‌ تاوانه‌يل براگه‌ێ؟ دواخريش ئه‌وه‌گ له‌بان داعش بيده‌نگ بوێ شه‌ريكيه‌ له‌ تاوانه‌يلى وه‌ گووره‌ى بنه‌مايه‌يل ياسايى و فقهى، ك ئه‌يه‌ مه‌رام له‌ قسه‌يل نسه‌يف بويه‌و په‌شيمانيش نيه‌ له‌ قسه‌يلى.

 

جى باسه‌، به‌ياننامه‌گه‌ هه‌ميش وت: ئه‌وانه‌نگ لايه‌نگرى داعش كردن ئه‌وانه‌ك شه‌ريكيان بوينه‌ له‌ تاوان داعش و ئه‌گه‌ريش هويريان كووناس ئه‌وه‌ مێژوو تۆمارى ئه‌كا هه‌ركه‌سيگ وه‌ مه‌ردمه‌گه‌ێ وسياو هه‌ره‌سيگ پشت له‌ليان كرد.