هــــه‌واڵ عــیراق
عه‌لاوى ئاشكراى "گفتگوو ناونى داعش و ئه‌لقاعيده‌" كرد

عه‌لاوى ئاشكراى "گفتگوو ناونى داعش و ئه‌لقاعيده‌" كرد


شه‌فه‌ق نيوز/ ئه‌ياد عه‌لاوى جيگر وه‌رين سه‌رۆك كۆمار باوه‌ڕى ئه‌وه‌سه‌ ك روسياى ئتحادى وه‌ل ئه‌و گشت په‌يوه‌نديه‌يل مێژوويى و به‌رژه‌وه‌نديه‌يله‌ ك ديرێده‌ى وه‌ل ناوچه‌گه‌و له‌وه‌ر ئه‌و گرينگى جوگرافى سياسى و نفوزه‌ ك ديرێده‌ى له‌ سوريا و ئه‌و په‌يوه‌نديه‌يل بته‌وه‌ وه‌ل ئيران و توركيا، ئه‌تويه‌نێد رۆڵ خاسيگ نيشان بيه‌ێد له‌ پشتگيرى سه‌قامگيرى ناوچه‌گه‌و به‌شداريكردن كاراێ له‌ وساننه‌وه‌ى ترۆر و كرده‌وه‌يل ترۆريستى.

 

نويسينگه‌ى ره‌سانن جيگر وه‌رين سه‌رۆك كۆمار له‌ به‌ياننامه‌يگ وت: عه‌لاوى له‌ دانيشتنى وه‌ل ماكسيم ماكسيمۆف باڵوێز كۆمار روسياێ ئتحادى له‌ عراق و شانده‌ ياوه‌ره‌گه‌ى باس له‌وه‌ كردنه‌ ك ناوچه‌گه‌ له‌ بار گرژيگ ژيه‌ێد ئه‌را ماوه‌ى ساڵه‌يليگه‌و يه‌يش بويه‌سه‌ هووكار گرژى له‌ ئاست جه‌هانى و بايه‌سه‌ له‌بان روسيا وه‌ل محوه‌ر ئۆرپى و وڵاته‌يل يه‌كگرتگ مامڵه‌ وه‌ل ئى بار سه‌خته‌ بكه‌ن ك هاته‌سه‌ تويش ناوچه‌گه‌.

 

جى باسه‌، عه‌لاوى ئه‌مريكاو ئوردن جوور چه‌ودێر ئاماده‌ى كۆنگره‌ى ئاستانه‌ بوون و بايه‌سه‌ بنه‌مايگ ئه‌را يه‌كگرتگى سوريا و سه‌ڵامه‌تى ملله‌ته‌گه‌يشى دابنريه‌ێد له‌ڕى له‌ناوبردن ترۆر و وساننه‌وه‌ى خوين و په‌ياكردن چاره‌سه‌ريگ سياسيانه‌ ئه‌را قه‌يرانه‌گه‌و موحاسبه‌كردن ئه‌وانه‌گ وه‌رپرسن له‌بان ئى كاولكاريه‌و له‌هه‌مان وه‌خت ئاماژه‌ وه‌يه‌يش كرد و وت: زانياريه‌يل ته‌ماميگ ئشاره‌ت وه‌ ئه‌وه‌ ئه‌كه‌ن گفتگوو ناونى داعش و ئه‌لقاعيده‌ ده‌س وه‌پيكردگه‌و يه‌يش مه‌ترسى فراوانيگ دروس ئه‌كا.