هــــه‌واڵ عــیراق
خه‌ليل زاد: ئه‌راچه‌ ئيران ناخوازێد عراق وه‌هێز بدێ؟

خه‌ليل زاد: ئه‌راچه‌ ئيران ناخوازێد عراق وه‌هێز بدێ؟


شه‌فه‌ق نيوز/ زه‌ڵماى خه‌ليل زاد، باڵوێز وه‌رين ئه‌مريكى له‌ نه‌ته‌وه‌يل يه‌كگرتگ و عراق، جه‌خت له‌وه‌ كرد ك ئيران خوازاره‌ كاريگه‌رى داشتوود له‌بان هه‌ڵوژاردنه‌يل عراقى ك بڕياره‌ له‌ ئايار ئاينده‌ ئه‌نجام بگرێد له‌وه‌ر به‌رژه‌وه‌ندى ميليشيايه‌يلێ.

 

خه‌ليل زاد له‌ باوه‌تيگى له‌ رووژنامه‌ى "وۆل ستريت جورناڵ" وه‌ناونيشان "مقه‌يه‌ت نفوز ئيران بوون له‌ عراق" وت: ئيران وه‌ جددى كار ئه‌كا ئه‌را دروسكردن كاريگه‌رى له‌بان ئاكام هه‌ڵوژاردنه‌يل و هه‌وڵ بته‌وكردن نفوز ميليشيايه‌يلێ ئه‌ياد له‌ناو حكومه‌ت عراقى جوور ئه‌وه‌گ وه‌ل حزبوڵڵاى لوبنانى ديرێده‌ى.

 

جى باسه‌، خه‌ليل زاد هه‌ميش وت: ئيران ئه‌خوازێد مقه‌يه‌تى له‌ به‌شبه‌شه‌وبوين تايفى و ره‌گه‌زى و سياسى بكا له‌وه‌ر نواگيرى هاتنه‌وه‌ى عراق جاريگتر جوور هيزيگ سه‌روه‌خوه‌يى و سه‌قامگير و باوه‌ڕيشى ئه‌وه‌سه‌ ك وڵاته‌يل يه‌كگرتگ گرفتيگ سه‌ره‌كيه‌ له‌نواى پلانه‌يلى.