هــــه‌واڵ كــوردى
ئيران هه‌وڵ هاوردنه‌وه‌ى سه‌ركرده‌يگ جيابوێ كورد و هه‌ڵوژاننى ئه‌را سه‌رۆك كۆمار ئه‌ياد

ئيران هه‌وڵ هاوردنه‌وه‌ى سه‌ركرده‌يگ جيابوێ كورد و هه‌ڵوژاننى ئه‌را سه‌رۆك كۆمار ئه‌ياد


شه‌فه‌ق نيوز/ سه‌رچه‌وه‌يگ ئاگادار كوردستانى، ئاشكراى وجوود جموجويليگ ئيرانى كرد وه‌ ئامانج دامه‌زرانن به‌رهه‌م ساڵح سه‌ركرده‌ى ديار كورد ئه‌را سه‌رۆك كۆمار عراق له‌شوون فوئاد مه‌عسوم سه‌رۆك ئيسه‌ى عراق.

 

له‌ى باوه‌ته‌و، ماڵپه‌ڕ ئرم ئيماراتى له‌ زووان ئه‌و سه‌رچه‌وه‌ وت: حاڵ حازر جموجويليگ فراوان ئيرانى ئامانج له‌لى هاوردنه‌وه‌ى به‌رهه‌م ساڵح سه‌ركرده‌ى كورده‌ ئه‌را ناو حزب يه‌كێتى نيشتمانى كوردستان ك له‌لى جياوه‌ بوێ و حزبيگ تازه‌ى سياسى دامه‌زران و يه‌يش ده‌رخست ك له‌وه‌ر ئه‌وه‌گ جوور كانديد ئه‌را سه‌رۆكايه‌تى كۆمار هه‌ڵوژريه‌ێد ك له‌به‌ش كورده‌.

 

سه‌رچه‌وه‌گه‌ هه‌ميش وت: ئى جموجويل ئيرانه‌ له‌وه‌ر خوه‌شه‌ويسى ئه‌را به‌رهه‌م ساڵح نيه‌، به‌ڵكوو له‌وه‌ر به‌رژه‌وه‌نديه‌يل ئيرانيه‌و هه‌وڵ ئه‌وه‌ ئه‌ياد ده‌س بگرێده‌ بان سه‌رۆكايه‌تى كۆمار نه‌وه‌گ هه‌ردوگ محوه‌ره‌گه‌ى(فه‌تح و ده‌وڵه‌ت ياسا)سه‌رۆكايه‌تى وه‌زيره‌يل له‌ده‌س بيه‌ن.