هــــه‌واڵ عــیراق
وه‌زير نه‌فت پلانه‌يل په‌ره‌داين وه‌ سه‌رچه‌وه‌يل نه‌فتى ئه‌را نوێنه‌ر سيستانى باسكرد

وه‌زير نه‌فت پلانه‌يل په‌ره‌داين وه‌ سه‌رچه‌وه‌يل نه‌فتى ئه‌را نوێنه‌ر سيستانى باسكرد


شه‌فه‌ق نيوز/ جه‌بار لعێبى وه‌زير نه‌فت وه‌ل عه‌بدولمهدى كه‌ربه‌لائى نوێنه‌ر مه‌رجه‌عيه‌ێ باڵا له‌ نه‌جه‌ف پلانه‌يل ئاينده‌يى وزاره‌ته‌گه‌ خسته‌ڕوێ ئه‌را په‌ره‌داين وه‌ سه‌رچه‌وه‌يل نه‌فتى و غازى له‌ چوار پاريزگا له‌ ناونيانيش كه‌ركوك كيشه‌ له‌سه‌ر له‌ناونى به‌غدا و هه‌ولێر.

 

لعێبى له‌ ديداريگ وه‌ل عه‌بدولمهدى وت: عراق له‌ به‌رهه‌م غاز شل ئه‌نجامه‌يل خاسيگ زاتى داشتگه‌و تويه‌نستگه‌ زيايه‌گه‌ێ له‌ قورسى و پاشمه‌نده‌ى هه‌نارده‌ بكاو ئاماژه‌ وه‌يه‌يش كرد ك وزاره‌ته‌گه‌ وه‌رده‌وامه‌ له‌ په‌ره‌داين پيشه‌سازى نه‌فتى و غازى وه‌ل ئه‌و هه‌مگه‌ روى وه‌ڕوێ بوينه‌وه‌ى دارايى و ئابووريه‌ ك هاته‌سه‌ تويشى.

 

جى باسه‌، وه‌زير نه‌فت له‌ هه‌مان ديدار پلانه‌يل ئاينده‌يى وزاره‌ته‌گه‌يش خسته‌ڕوێ ئه‌را په‌ره‌داين سه‌رچه‌وه‌يل نه‌فتى و غازى ك هاوريانه‌سه‌و له‌ پاريزگايه‌يل " كه‌ركوك، سه‌ڵاحه‌دين، نه‌ينه‌وا، ئه‌نبار" وه‌ل كاركردن له‌بان وه‌به‌رهاوردن خاستر ئه‌را سامان نه‌فتى له‌گشت عراق له‌ڕێ هه‌وڵ نيشتمانى.