هــــه‌واڵ كــوردى
پێشمه‌رگه‌: ناكووكى وه‌ل هيزه‌يل عراقى كووتايى هات

پێشمه‌رگه‌: ناكووكى وه‌ل هيزه‌يل عراقى كووتايى هات


شه‌فه‌ق نيوز/ مه‌ردان چاوشين وه‌رپرس محوه‌ر قه‌ره‌ته‌په‌ له‌ هيزه‌يل پێشمه‌رگه‌، ئاشكراى كووتاييهاتن ناكووكى و له‌يه‌كڕه‌سينه‌وه‌يل هه‌ڵه‌ كرد له‌لاێ هيزه‌يل عراقى له‌بان ناوچه‌يل كورده‌وارى له‌ خوه‌رهه‌ڵات قه‌زاى خورماتوو.

 

چاوشين ئه‌را رووژنامه‌نويسه‌يل وت: ئيسه‌ هايمنه‌ هووڵ گه‌ردين له‌شوون ئه‌و سه‌ركرده‌ له‌ داعش ك تاوان كوشتن 300 كورد ئێزيدى ئه‌نجام داگه‌ له‌ خوه‌رهه‌ڵات قه‌زاگه‌ ك له‌ ده‌مه‌و شه‌وه‌كى ئمڕوو تائيسه‌ كرده‌وه‌يل سه‌ربازێ وه‌و خاتره‌ ده‌سوه‌پيكردگه‌.

 

جى باسه‌، چاوشين هه‌ميش وت: هيزه‌يل عراقى له باره‌ى ئى كرده‌وه‌يله‌ وه‌ل وزاره‌ت پێشمه‌رگه‌و هيزه‌يل 70 ريكخستنيگ ئه‌نجام دانه‌و مارزيان تا ئاوايه‌يل داووده‌س و ئيسه‌يش ئه‌وان ميوان ئيمه‌ن و كرده‌وه‌يل سه‌ربازييش له‌ چوار محوه‌ره‌و له‌ خوه‌رهه‌ڵات قه‌زاگه‌وه‌ ده‌س وه‌پيكردگه‌.