هــــه‌واڵ كــوردى
هه‌زار جه‌نگاوه‌ر له‌ هيزه‌يل "ئێزيدخان" خريانه‌ بان پێشمه‌رگه‌

هه‌زار جه‌نگاوه‌ر له‌ هيزه‌يل "ئێزيدخان" خريانه‌ بان پێشمه‌رگه‌


شه‌فه‌ق نيوز/ حه‌يده‌ر ششۆ سه‌كرده‌ى هيزه‌يل پاسه‌وان ئێزيديه‌يل "ئێزيدخان" ئاشكراى ئه‌وه‌ كرد ك كار ناونويسانن جه‌نگاوه‌ره‌يل سه‌ر وه‌ هيزه‌يل پاسه‌وان ئێزيديه‌يل ده‌س وه‌پيكردگه‌ وه‌خاتر ئه‌وه‌گ بخريه‌نه‌ بان وزاره‌ت پێشمه‌رگه‌و ئاماژه‌ وه‌يه‌يش كرد ك ده‌ركردن ئى بڕياريشه‌ له‌ وزاره‌ته‌گه‌و له‌ سه‌رۆكايه‌تى هه‌رێمه‌و ده‌رچيه‌.

 

ششۆ وت: ئى برياره‌ ده‌رچيه‌و ناونويساننيش وه‌رده‌وامه‌ وه‌خاتر له‌خوه‌يگرتن فيشتر له‌ هه‌زار جه‌نگاوه‌ر له‌ هيزه‌يل پاسه‌وان ئێزيديه‌يل ك وزاره‌ت پێشمه‌رگه‌ سه‌رۆكايه‌تيى ئه‌كاو يه‌يش ده‌رخست ك بايه‌سه‌ وه‌ل ئه‌وه‌يشا مافه‌يل و چه‌ك و مه‌شقه‌يليانيش وه‌ربگرن و وه‌شيوه‌يگ كرده‌وه‌يى بخريه‌نه‌ بان وزاره‌ته‌گه‌.

 

جى باسه‌، ششۆ هه‌ميش وت: مه‌سه‌له‌ى ناونويسانن ئه‌و جه‌نگاوه‌ره‌يله‌ ئه‌را ئه‌وه‌گ بخريه‌نه‌ بان وزاره‌ت پێشمه‌رگه‌ له‌بان بڕياريگ له‌ سه‌ركرده‌ى گشتى هێزه‌يل پێشمه‌رگه‌و مه‌سعود بارزانى سه‌رۆك هه‌رێم بويه‌.