هــــه‌واڵ عــیراق
هند له‌وه‌ر هووكاريگ ئه‌ڵڵاجه‌وێ قاپى له‌ڕوێ عراقيه‌‌يل داخست

هند له‌وه‌ر هووكاريگ ئه‌ڵڵاجه‌وێ قاپى له‌ڕوێ عراقيه‌‌يل داخست


شه‌فه‌ق نيوز/ باڵوێزخانه‌ى هندى له‌ به‌غدا ئه‌را ماوه‌ى دو رووژه‌ فيزاداين وه‌ عراقيه‌يل وسانگه‌و مه‌ردم له‌ گه‌شت ئه‌را هند بيبه‌ش كردگه‌، ئه‌ويش له‌وه‌ر هووكاريگ ئه‌ڵلاجه‌وێ.

 

باڵوێزخانه‌ى هندى له‌بان ديوار باڵوێزخانه‌گه‌ ئاشكراكردنيگ داگه‌و وتگه‌: گشت خزمه‌تگوزاريه‌يل باڵوێزخانه‌گه‌و له‌وانه‌يش فيزا له‌ 31 يۆليۆ 2018ه‌وه‌ وسياگه‌ تا وه‌ختيگ حكومه‌ت عراقى(سه‌ركردايه‌تى فه‌رمانده‌يى به‌غدا)ديواره‌يل ئه‌منى ده‌يشت باڵوێزخانه‌گه‌ دوباره‌ دامه‌زرنێد.

 

جى باسه‌، ماوه‌ى چه‌ند رووژيگه‌ سه‌ركرايه‌تى فه‌رمانده‌يى به‌غدا ك باڵاترين لايه‌ن ئه‌منيه‌ له‌ به‌غدا، ديواره‌يل كۆنكريتى ده‌ورگرد باڵوێزخانه‌گه‌ لاوردگه‌ وه‌بى ئاشكراكردن هووكاره‌گه‌ێ.