هــــه‌واڵ عــیراق
سائرون دويا روێداگه‌يل له‌باره‌ى دامه‌زرانن فراكسيۆن گه‌ورا ئاشكراكرد

سائرون دويا روێداگه‌يل له‌باره‌ى دامه‌زرانن فراكسيۆن گه‌ورا ئاشكراكرد


شه‌فه‌ق نيوز/ رائد فه‌همى سه‌ركرده‌ له‌ هاوپه‌يمانى سائرون و سكرتێر حزب شيوعى وت: نزيكبوينه‌وه‌ى په‌سه‌نكردن ئاكامه‌يل هه‌ڵوژاردن له‌لايه‌ن دادگاى ناوه‌نديه‌و، هان فراكسيۆنه‌يل سه‌ركه‌فتگ ئه‌ياد هه‌ڵه‌په‌ڵه‌ بكه‌ن له‌ يه‌كلاكردنه‌وه‌ى هه‌ڵويسته‌يليان.

 

فه‌همى ئه‌را شه‌فه‌ق نيوز وت: كار وه‌خته‌يل ده‌ستوورى ده‌س وه‌پى ئه‌گاو هان فراكسيرنه‌يل سه‌ركه‌فتگ ئه‌ياد په‌يوه‌ندى و ديداره‌يليان زياتره‌و بكه‌ن له‌باره‌ى دامه‌زرانن فراكسيۆن گه‌ورا، وه‌لێ تائيسه‌ هاوپه‌يمانێتى ته‌واويگ دانه‌مه‌زرياگه‌ فراكسيۆن گه‌ورا دامه‌زرنێد.

 

فه‌همى هه‌ميش وت: هه‌ڵويست هاوپه‌يمانى سائرون ئاشكراس، چل خال ديارێ كردگه‌ له‌ به‌ياننامه‌گه‌ى موقته‌دا سه‌در و ئه‌و خاڵه‌يليشه‌ قابل قسه‌ له‌سه‌ركردن نيه‌، چوينكه‌ ته‌بيعه‌ت به‌رنامه‌ى حكومى و ناسنامه‌گه‌ى ديارى كردگه‌.