هــــه‌واڵ عــیراق
راوێژكاره‌يل ئه‌مريكى له‌وه‌ر په‌نج بانك عراقى هانه‌ به‌غدا

راوێژكاره‌يل ئه‌مريكى له‌وه‌ر په‌نج بانك عراقى هانه‌ به‌غدا


شه‌فه‌ق نيوز/ سه‌رچه‌وه‌يل دبلۆماسى له‌ عراق، ئه‌وه‌ دده‌رخستن ك بانك فيدراڵى ئه‌مريكى(ناوه‌ندى) كه‌فته‌سه‌ شوون په‌نج بانك تازه‌ى عراقى، بيجگه‌ بانك ئه‌لبلاد ئسلامى.

 

له‌ى باوه‌ته‌و، سكاى نيوز له‌ راپۆرتيگ له‌زووان سه‌رچه‌وه‌يله‌و وت: تيميگ له‌ راوێژكاره‌يل ئه‌مريكى وجوود له‌ عراق ديرن ئه‌را چه‌وديرى ئه‌و بانكه‌يله‌ ك خوه‌يان ئه‌خه‌نه‌ ژير هه‌مان سزايه‌يل ك چه‌سپبا له‌بان بانك ئه‌لبلاد ئسلامى.  

 

جى باسه‌، راپۆرته‌گه‌ يه‌يش ده‌رخست ك په‌يجوورى له‌ پاوه‌ت په‌يوه‌نديه‌يل ئه‌و بانكه‌يله‌ يا وه‌كارهاوردنيان له‌لايه‌ن ئيرانه‌و له‌ ئاڵوگۆڕكردن دارايى له‌سه‌رده‌م بارام ئۆباما سه‌رۆك وه‌رين ئه‌مريكى بويه‌، وه‌لێ ته‌نيا يه‌ك بانك سزا دريا له‌و وه‌خته‌.