هــــه‌واڵ كــوردى
شاى ئوردن سه‌رخوه‌شى له‌ نێچيروان بارزانى كرد

شاى ئوردن سه‌رخوه‌شى له‌ نێچيروان بارزانى كرد


شه‌فه‌ق نيوز/ عه‌بدوڵڵاى دويه‌م پادشاى ئوردن، به‌رقيه‌يگ سه‌رخوه‌شى ئاراسته‌ى نێچيروان بارزانى سه‌رۆك وه‌زيره‌يل هه‌رێم كوردستان كرد وه‌ بوونه‌ى كووچكردن دلۆڤان ئدريس بارزانى براى.

 

حكومه‌ت هه‌رێم له‌ به‌ياننامه‌يگ وت: ده‌ق ئه‌و به‌رقيه‌ى پرسه‌و سه‌ره‌خوه‌شيه‌ له‌يوا بويه‌" وه‌ خه‌ميگ قويل و په‌ژاره‌ى فريه‌يگه‌و هه‌واڵ كووچكردن ره‌حمه‌تى دلۆڤان ئدريس مسته‌فاى بارزانى برادان وه‌پيم ره‌سى، خوداى گه‌ورا له‌لى خوه‌ش بدێ".

 

هه‌ميش وت"له‌ وه‌ختيگ ك راسگووترين پرسه‌و سه‌ره‌خوه‌شى خوه‌م پيشكه‌شدان ئه‌كه‌م وه‌ى بوونه‌ى پڕ ئازاراوه‌و له‌ خوداى گه‌ورا و وه‌توانا داواكارم ره‌حمه‌تى بخاده‌ وه‌ر به‌زه‌يى و ره‌حمه‌ت خوه‌يه‌وه‌و وه‌به‌هه‌يشت به‌رين شادى بكاو ئارامى و دڵنه‌وايى وه‌ ئيوه‌و خيزاندان بيه‌ێد".

 

جى باسه‌، رووژ دوشه‌ممه‌ى گوزه‌يشت دلۆڤان بارزانى براى نێچيروان بارزانى سه‌رۆك حكومه‌ت هه‌رێم و برارزاى مه‌سعود بارزانى له‌ئاكام جه‌ڵته‌ى دڵ گيان له‌ده‌سدا.