هــــه‌واڵ عــیراق
مووره‌يل سۆمه‌رى بازرگانيگ عه‌ره‌ب دانه‌‌ گرتن

مووره‌يل سۆمه‌رى بازرگانيگ عه‌ره‌ب دانه‌‌ گرتن


شه‌فه‌ق نيوز/ سه‌ركردايه‌تى فه‌رمانده‌يى به‌غدا ئاشكراى ده‌سگيركردن كه‌سيگ وه‌ ڕه‌گه‌ز عه‌ره‌ب كرد ك بازرگانى وه‌ پارچه‌ شوونه‌واره‌يل كردگه‌.

 

سه‌ركردايه‌تيه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: هيزه‌يل ئاسايشى له‌ فه‌وج 3 ليواى 54 تيم پياده‌ى 6 تويه‌نستنه‌ دوياى چه‌وديرى پڕ دقه‌تيگ وه‌ گووره‌ى زانياريه‌يل له‌ سه‌رچه‌وه‌يل ليواگه‌ ده‌سگير كابرايگ وه‌ ره‌گه‌ز عه‌ره‌ب بكه‌ن له‌ ناوچه‌ى به‌ياع له‌ ديم كه‌رخ له‌ به‌غداى پايته‌خت ك بازرگانى پارچه‌ شوونه‌واره‌يله‌و كردگه‌.

 

جى باسه‌، به‌ياننامه‌گه‌ يه‌يش ده‌رخست ك ئه‌و بارزگانه‌ 6 پارچه‌ شوونه‌وارى وه‌پى بويه‌و پيكهاتنه‌ له‌ مووره‌يل سۆمه‌رى.