هــــه‌واڵ عــیراق
سه‌رچه‌وه‌يليگ ناوه‌يل كانديدكرياێ ئه‌را سه‌رۆكايه‌تى كۆمار ئاشكرا كردن

سه‌رچه‌وه‌يليگ ناوه‌يل كانديدكرياێ ئه‌را سه‌رۆكايه‌تى كۆمار ئاشكرا كردن


شه‌فه‌ق نيوز/ ئه‌نجومه‌ن سه‌ركردايه‌تى له‌ يه‌كێتى نيشتمانى كوردستان، دانيشتنيگ له‌ پاريزگاى سلێمانى ساز كرد ئه‌را تاوتوێكردن هاوپه‌يمانيه‌يل سياسيى ئاينده‌ى و كانديده‌يلێ ئه‌را سه‌رۆكايه‌تى كۆمار و مامڵه‌كردن وه‌ل رێ وشوونه‌يل په‌رله‌مان له‌باره‌يل هه‌ڵوژاردنه‌يل.

 

له‌و دانيشتنه‌ هويچ قسه‌يگ له‌باره‌ى ناو كانديده‌يل ده‌رنه‌چێ، وه‌لێ سه‌رچه‌وه‌يليگ ئه‌را رووژنامه‌ى "ئه‌لحه‌يات" وتن: فوئاد مه‌عسوم سه‌رۆك ئيسه‌ى كۆمار يه‌كيگ ئه‌دێ له‌و كانديده‌يله‌، يه‌يش بيجگه‌ عه‌بدوله‌تيف ره‌شيد وه‌زير وه‌رين سه‌رچه‌وه‌يل ئاوى و سه‌رۆك ئيسه‌ى ده‌سه‌ى راوێژكاره‌يل له‌ سه‌رۆكايه‌تى كۆمار.

 

ئه‌و سه‌رچه‌وه‌يله‌ هه‌ميش وتن ئى مه‌سه‌له‌ تائيسه‌ يه‌كلايى نه‌كرياگه‌ له‌ناو مه‌كته‌ب سياسى حزبه‌گه‌، وه‌لێ نگه‌رانييگ هه‌س له‌ناو يه‌كێتى له‌ مه‌سه‌له‌ێ پيشكه‌شكردن كانديده‌يل تر ئه‌را ئى پۆسته‌ وه‌ ريككه‌فتن وه‌ل حزبه‌يل تر كورد.